ဆီုက်ဘြာန်ဇေဝ်ဂဲ ဘည်ဒါႈဇံင်း ကတီုက်ကပဴင်မာ် ဂဲရောတ်ဒေဲႈပဴင် ပ္လေဘျုင် ထာန်ဇံန်(500) (2)ပိုင်း ပကုမ္မဏီသတ္တုရှဲဆံန် လှံင်နောင်ချှို
21 May 2025
ဆီုက်ဘြာန်ဇေဝ်ဂဲ ဘည်ဒါႈဇံင်း ကတီုက်ကပဴင်မာ် ဂဲရောတ်ဒေဲႈပဴင် ပ္လေဘျုင် ထာန်ဇံန်(500) (2)ပိုင်း ပကုမ္မဏီသတ္တုရှဲဆံန် လှံင်နောင်ချှို
လှံင်နောင်ချှို၊ ကျံရ်ဖံန် ဆငည်း(21)
ဆဒါင်ကုင်တအာင်း
အာဝ်မိူဝ်ႈမ ပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင် ပ္လေဘျုင် ထာန်ဇံန်(500) (2)ပိုင်း ပကုမ္မဏီသတ္တုရှဲဆံန် လှံင်နောင်ချှို၊ ခေဲင်ကုင်တအာင်း။
ကျံရ်ဖံန် ဆငည်း(11)ဒိူန် အခိင်ရဆံန်(12:30)မိနေတ် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင် ပ္လေဘျုင် ပကုမ္မဏီသတ္တုရှဲဆံန်၊ ဂေါႇဆီုက်ဘြာန်ဇေဝ်ဂဲ ပဴင်ပ္လေဘျုင်ဘည်ဒီန် လံက်ကဆူမ်းဟာဝ်း ပ်ုန်ဒါကုမ္မဏီသတ္တုရှဲဆံန် ကားစိုက်(1)ကြောင်၊ စာက်ထုက်သတ္တု (1)ပိုင်း၊ ဂိုဒေါင်ပ်ုန်ဟံပ်ဂြို(1)ဂါင် ကာည်း တောပ်ဘိုး ဂြိုပ်ုန်ဟံရ် ကစုကပိုမ် ငေါႈခံန်အ်ုန်မိုႈ ရိူန်းခယ်ယွမ်(1,680,000)ထာန်နီန်။
ခည်မိုႈ ကျံရ်ဖံန် ဆငည်း(18) အခိင်စူမ်အံပ်(5:30)နြီဒိူန်မာ် အာဝ်မိူဝ်ႈမ ပဲန်ကတီုက်ကပဴင် ဆီုက်ဘြာန်ဇေဝ်ဂဲ ဒါဇဲတ်ႎှည်တာ ရောတ်ဒေဲႈပဴင် ပ္လေဘျုင် ထာန်ဇံန်(250)(6)ပိုင်း တပြောရဝ်ရတနာသဂႅီ၊ ခမိုရဝ်ဒိုးပီန်၊ လှံင်နောင်ချှို။
ဆီုက်ဘြာန်ဇေဝ်ဂဲ ထုက်ရိူရ်ႈလေႈပ္လါႇဘေဲႇ ဒါႈနံင်ဇံင်းဟာဝ်း ကတီုက်ကပဴင် ဇူႈကျံရ်ဖံန် ဆငည်း(6) ရောတ် ဆငည်း(31) ဖဘိုးထဲင်ဆငည်း ဒါႈနံင်ဇံင်းဟာဝ်း ကတီုက်ကပဴင် (1 )ကျံရ်မာ် ဘည်ကဇေန်နီန်း ဆီုက်ဘြာန်ဇေဝ်ဂဲ ဂီုည်ထီမ်းဟိုက်ဘ္လောမ်ဆီုက်ဂဲ၊ ဒါပ္လေဒါင်း၊ ဒရုန်း ကာည်း ယာန်ပ်ုရ်ပဴင်ဟာဝ်း ဒီထိင်ခြဲတံပ်နာန်းတအာင်း -PSLF/TNLA ဘည်နီန်တောန်ဆငည်း။
ဂေါႇဘည်ဒီန် ဘည်ကဆီုဝ် ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း လိုဘယ်ဒဝ်ႎဲႈ ဘည်ဆီုက်ဘြာန်ဇေဝ်ဂဲ ဒါယာန်ပ်ုရ်၊ ဒရုန်း ကာည်း ပ္လေဒါင်းကဲနီန် ပဴင်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists