ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပရဝ်ပြိန်းအင်
21 May 2025
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပရဝ်ပြိန်းအင်
ကုင်တအာင်း၊ ကျံရ်ဖံန် ဆငည်း(21)၊ ဆဒါင်ကုင်တအာင်း
ဖုင်ဘေဲႇတအာင်း-TLAဂဲ ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပရဝ်ပြိန်းအင်၊ လှံင်မိူင်လိုင်၊ ခေဲင်ကုင်တအာင်း။
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟာဝ်း ပ္လေါည်ပ္လိုတ်ႎါင်ပနောနီန်း ခည်မိုႈ ကျံရ်ဖံန် ဆငည်း(19) အခိင် ခီညှာ(9:00)နြီဒိူန်။
ခေဲင်ႎါင်ပနောဒီန် အီဟိုက်ႎါင်ပနော ကောန်အီမာည်းဂေါည်(26)အီး ကာည်း ကောန်အီပ်ုန်ဂေါည်(16)အီး၊ ကစုကပိုမ်အီဟိုက်ဂေါည်(42)အီး အီဟိုက်ဟောည်ႇဟာဝ်း ႎါင်ပနောကဲနီန်း ဖုင်ဘေဲႇတအာင်း-TLAဂဲ အာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ တာဆြာ/ ယာဆြာ ကောန်ႎါင်ပနောဂဲ ကာည်း ကူန်မာကောန်ႎါင်ပနော ကစုကပိုမ်ဂေါည် (80)အီးဟိုက်ရောတ်ဒေဲႈအောႏ။
ဖုင်ဘေဲႇတအာင်း-TLAဂဲ ဘံန်ဟောည်ႇဒေဲႈ ကျံရ်ဖိုန်၊ ဒီဘိူန်းဘြောင်ချှာင် လှံင်ရူကော၊ လှံင်အေဲမ်ခြီရ်၊ လှံင်မိုဂူႈ၊ လှံင်မီူမ်မှီတ် ဒဲႈဟာဝ်းႎါင်ပနော ဘေဲႇလူမ်တအာင်း ကောန်ႎါင်ပနောဂဲ ကစုကပိုမ်ဂေါည် (565)အီးအောႏ။
ပ်ုန်ကယေင်ဒေႎိူဝ်ႈဟာဝ်း ႎါင်ပနောဘေဲႇလူမ်တအာင်းနီန် မိုႈ နံင်ဘေဲႇလူမ် တအာင်းအယ် မောကံပ်ကတာရ်ႈဒါင်းဇာရ်၊ ဘည်မိုႈ ႎံရ်ခြိုဝ်းတအာင်း ပိုင်းကြောႈ နံင်ကနှေရ်၊ နံင်တောန်တီုင်ဌာန ဘိူန်းလီပ်ပနော လောင်ပိင်ငျာဘေဲႇလူမ်တအာင်းနီး၊ နံင်ကြောႈကူန်တာမာယာအယ် အာဝ်ဟြာည်ႇကမာ်ႈ ၊ နံင်အီးရံပ်ဇီုင်း ကပ္လိူင် တီုင်ဌာနဖုင်တအာင်း ကာည်း တိုအီးလူမ်ဂဲ ဘယ်ဒေဒါဘေဲႇလူမ်တအာင်း ၊ နံင်ကံပ်ဘယ်ဒေရိူရ်ႈလေႈ ပံပ်မဂ္ဂဇီန် ဘေဲႇလူမ်တအာင်း ၊ ခေဲင်ကျောင်ပိင်ငျာခြိူဝ်းတအာင်း ကနာည်နံင်ဘယ်ဒေပြိူဝ်ႈလေႈ တာဆြာ/ယာဆြာ အီးနံင်ပနောဒဲႈဟာဝ်း ဖာဆာဘေဲႇလူမ်တအာင်းနီန်းတောန်နဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists