ကုင်တအာင်း ခေဲင်ကျံရ်ဖံန်နီန်း ပဲန်ငံရ်က္လိုႇ (5)လိူဝ်ႈ ၊ ကဆူမ်းဟာဝ်းရိူန်း(641)ဆဲန်လှိူဝ်း
06 June 2025
ကုင်တအာင်း ခေဲင်ကျံရ်ဖံန်နီန်း ပဲန်ငံရ်က္လိုႇ (5)လိူဝ်ႈ ၊ ကဆူမ်းဟာဝ်းရိူန်း(641)ဆဲန်လှိူဝ်း
ကုင်တအာင်း၊ ကျံရ်တောရ် ဆငည်း(4)
ဆဒါင်ကုင်တအာင်း
ကုင်တအာင်း၊ လှံင်ကိုက်ခည်း၊ လှံင်အိုမ်ငျံရ်၊ လှံင်အေဲမ်ခြီရ် ကာည်း လှံင်မိုဂူႈ ခေဲင်ကျံရ်ဖံန်နီန်း ပဲန်ငံရ်က္လိုႇ(5)လိူဝ်ႈ၊ ကဆူမ်းဟာဝ်းရိူန်း(641)ဆဲန်လှိူဝ်း။
ပလှံင်ကိုက်ခည်း၊ ရဝ်ပေင်ဟောည် ဘံန်ဟောည်ႇဒေဲႈ ကျံရ်ဖံန် ဆငည်း(5)ဒိူန် ဇူႈတငံရ်ဆိုလာပျား ပဲန်ငံရ်က္လိုႇဂါင် ကစုကပိုမ် ကဆူမ်းဟာဝ်းရိူန်း(15)ဆဲန်၊ ဝါည်ဒီန် ပရဝ်ရူကောမာ် ခည်မိုႈ ကျံရ်ဖံန် ဆငည်း(7)ဒိူန် ဇူႈတငံရ်ဘထ္ထရီ ပဲန်ငံရ်က္လိုဂါင်အူဂါင် ကစုကပိုမ် ကဆူမ်းဟာဝ်းရိူန်း(24)ဆဲန်။
မိုႈဘိုး ပရဝ်ပေင်ဟောည် ကျံရ်ဖံန် ဆငည်း(30)ဒိူန် ဇူႈတငံရ်တေန်ဖြား ပဲန်ငံရ်က္လိုႇဘိုးဂါင် ကစုကပိုမ် ကဆူမ်းဟာဝ်းရိူန်း(200)ဆဲန်။
ဆဲႈဒါႇဒီန် ကျံရ်ဖံန် ဆငည်း(12)ဒိူန် လှံင်အိုမ်ငျံရ်၊ တပြောမျိုးမ ဇံင်(4) ဇူႈတငံရ်ဝါယာ ပဲန်ငံရ်က္လိုႇဂါင် ကစုကပိုမ် ကဆူမ်းဟာဝ်းရိူန်း(280)ဆဲန်လှိူဝ်း။
ဘံန်ဟောည်ႇဒေဲႈ ကျံရ်ဖံန် ဆငည်း(29)ဒိူန် လှံင်အေဲမ်ခြီရ်၊ ပရဝ်နောင်တေင် ဇူႈတငံရ်ပဲန်ဆျှောတ် ပဲန်ငံရ်က္လိုႇဂါင် တာမောက်ဟေင် ကစုကပိုမ် ကဆူမ်းဟာဝ်း ဂြိုခြီုင်ခေဲင်ဂါင်ဂဲ ရိူန်း(72)ဆဲန်။
ခည်မိုႈ ကျံရ်ဖံန် ဆငည်း(30)ဒိူန် ပလှံင်မိုဂူႈ၊ ရဝ်သဒွတ်လျှို ကဝ်အီဇီုဝ် မံင်ဆာန်ထိုည်းမံင် အဆာက်ဘိူန်း(26)ဆန်ုမ် ဝါည်အ်ုန်ဒါဂီုန်းခံင်ယိူည်ႇ အ်ုန်ဒါအိုမ်ပျြဴင်စာက် တိုက်ဂါင် ကစုကပိုမ် ကဆူမ်းဟာဝ်းရိူန်း(250)ဆဲန်လှိူဝ်း။
ဘံန်ဟောည်ႇဒေဲႈ ကျံရ်ဖိုန်ဒိူန်မာ် ခေဲင်ကုင်တအာင်း ပဲန်ငံရ်က္လိုႇ(8)လိူဝ်ႈ၊ ကစုကပိုမ် ကဆူမ်းဟာဝ်းရိူန်း(560)ဆဲန်လှိူဝ်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists