ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်မိုဂူႈ
22 September 2025
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်မိုဂူႈ
မိုဂူႈ၊ ကျံရ်တီမ်၊ ဆငည်း(22)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင်ထာန်ဇံန်(250)(2)ပိုင်း ပရဝ်ဖြားအိုည်ဆူ လှံင်မိုဂူႈ၊ အိူင်မိုဂူႈ၊ ခေဲင်ကုင်တအာင်း။
ကျံရ်တီမ် ဆငည်း(21) အခိင်ဘံန်ဆံန်(2:20)မိနေတ်ဒိူန် အာဝ်မိူဝ်ႈပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပ္လေဘျုင် ပလိုင်ဟျံင်အျံရ်တိုဆံတ် ရဝ်ဖြားအိုည်ဆူ။
မိုႈဘိုး ဘံန်ဟောည်ႇဒေဲႈ ကျံရ်တီမ် ဆငည်း(20)ဒိူန် အာဝ်မိူဝ်ႈမပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ပ်ုန်ကယေင်တေဲင်ကူန်ရဝ်မာဂါင်ဂဲ ဒါဒရိုင်းရောတ်ဒေဲႈပဴင်ပ္လေဘျုင် ပလောည်အံန် လှံင်မာဝ်းႎံင်း လံက်လူလှဲဝ်ႏဟာဝ်း ကျောင်စဝ်(1)ကျောင်။
ခေဲင်ကျံရ်တီမ်နီး ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပလှံင်မာဝ်းႎံင်း(5)လိူဝ်ႈ၊ ပလှံင်ဆဘော(1)လိူဝ်ႈကာည်း ပလှံင်မိုဂူႈ(1)လိူဝ်ႈ ကစုကပိုမ်(7)လိူဝ်ႈ။
ဂေါႇပ္လေဘျုင်ပဴင်ဆီုက်ဘြာန်ဇေဝ်ဂဲ အီမာည်း(1)အီး၊ အီပ်ုန်(2)အီး ကတူႈဖေးဘာတ်၊ ဂါင်ဂေါည်(17)ဂါင်၊ ကျောင်ပနောဘေဲႇ(1)ကျောင်၊ ကျောင်စဝ်(1)ကျောင် ကာည်း ကား(1)ကြောင် လူလှဲဝ်ႏဟာဝ်း။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists