ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင် ပရဝ်ပီန်ပေါ လံက်အီမာည်း(1)အီးယံမ်းကာည်း အီပ်ုန်(2)အီး ကတူႈဖေးဘာတ်
25 September 2025
ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင် ပရဝ်ပီန်ပေါ လံက်အီမာည်း(1)အီးယံမ်းကာည်း အီပ်ုန်(2)အီး ကတူႈဖေးဘာတ်
မာဝ်းႎံင်း၊ ကျံရ်တီမ် ဆငည်း(25)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်မာဝ်းႎံင်း၊ ပရဝ်ပီန်ပေါ ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင် လံက်အီမာည်း(1)အီးယံမ်းကာည်း အီပ်ုန်(2)အီး ကတူႈဖေးဘာတ်။
ဘံန်ဟောည်ဒေဲႈ ကျံရ်တီမ် ဆငည်း(23)ဒိူန် အာဝ်မိူဝ်ႈပဲန်ကတီုက်ကပဴင်မာ် ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင်လီပ် ခေဲင်ရဝ်ပီန်ပေါ လံက်ဟာဝ်းတာဆံန်လူန်အီးယံမ်းပွံတ်ကဆီုဝ်ဒီန်၊ ကဝ်အီမိုႈအီပ်ုန်အ်ုန် ယာနီနီကာည်း ကောန်အ်ုန် ဆုနဒီလူန် စီကတူႈဖေးဘာတ်။
မိုႈဘိုး ဆငည်းမှိူဝ်(24)ဒိူန်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်း ပရဝ်ပီန်တီ၊ ခမိုမဲင်တီန်၊ လှံင်မာဝ်းႎံင်း၊ လံက်ကျောင်စဝ်ကာည်း ႎှါင်း ဒီဆုင်ဆောမ်စဝ်ကဲလူလှဲဝ်ႏ။
ဆဲႈဒါႇဒီန် ပရဝ်နံမ်ဆောမာ် ဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် ထာန်ဇံန်(250) (1)ပိုင်း လံက်လိုင်းပ်ုန်တီႇဆ်ုမ်အူန်းငှေါနား(ဂီုင်) ကူန်ရဝ်မာဂါင်ဂဲ လူလှဲဝ်ႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists