ပရဝ်လိုင်ဝယ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် (30)ပိုင်းကာည်း ပ္လေဘျုင်မိူဝ်ႈကောင်(3)ပိုင်း
29 September 2025
ပရဝ်လိုင်ဝယ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် (30)ပိုင်းကာည်း ပ္လေဘျုင်မိူဝ်ႈကောင်(3)ပိုင်း
မာဝ်းႎံင်း၊ ကျံရ်တီမ် ဆငည်း(29)
ဆဒါင်ကုင်တအာင်း
ကုင်တအာင်း၊ အိူင်မာဝ်းႎံင်း၊ လှံင်မာဝ်းႎံင်း၊ ရဝ်လိုင်ဝယ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် (30)ပိုင်းကာည်း ပ္လေဘျုင်မိူဝ်ႈကောင်(3)ပိုင်း၊ ဝါည်ဒီန် ဆီုက်ဘြာန်ဇေဝ်ဂဲ လီပ်ဒေဲႈခေဲင်ရဝ်လိုင်ဝယ် တိုက်က္လိုႇကဆူမ်းဂါင်ကူန်ရဝ်မာဂါင်ဂဲ။
ဂေါႇဆီုက်ဘြာန်ဇေဝ်ဂဲ ဒါပ္လေဘျုင်မိူဝ်ႈကောင်ပဴင်ဘည်ဒီန် ကောန်ဆီုက်တံပ်နာန်းတအာင်းကဲ ကတူႈဘည်မံဝ်း၊ ဘည်ဂိူဝ်း၊ ဘည်ဂေါည်ကီန်းဒည်း၊ ဘည်မှောည်၊ ဘည်တိုႈဖိူမ်ချာ်န်း ပဲန်မိူဝ်ႈဒိုႇလက္ခဏာဘည်နီန် ဘည်ကဇေန်နီး ကောန်ဆီုက်(TNLA)(3)အီး ကတူႈဆနံမ်းအူန်း ပယုင်ဆနံမ်။
ကျံရ်တီမ် ဆငည်းအမှိူဝ်(28)ဒိူန်မာ် ဂေါႇဆီုက်ဘြာန်ဇေဝ်ဂဲ ထီမ်းဟိုက်ဒေဲႈ ပလှံင်မာဝ်းႎံင်း၊ ရဝ်လိုင်ဝယ်၊ တောင်ဆေးလေက် ကာည်း ဆခါန်းသာကဲနီန် ပဲန်ဟာဝ်းကတီုက်ကပဴင်၊ မိုႈဘိုး ပလှံင်နောင်ခေဝ် ရဝ်ဆေက်ဖူး ကာည်း တပြောဘာန်ကာချောင်ကဲနီန်မာ် ပဲန်ဟာဝ်း ကတီုက်ကပဲင်ဘည်ဒီန်။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists