ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင် ပ္လေဒါင်း ပရဝ်နံမ်ဆော လံက်ကောန်အီမာည်း(1)အီး ကတူႈဘာတ်
29 September 2025
ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင် ပ္လေဒါင်း ပရဝ်နံမ်ဆော လံက်ကောန်အီမာည်း(1)အီး ကတူႈဘာတ်
လှံင်မာဝ်းဓံင်း၊ ကျံရ်တီမ် ဆငည်း(29)
ဆဒါင်ကုင်တအာင်း
ကုင်တအာင်း၊ လှံင်မာဝ်းဓံင်း၊ ဘည်အာဝ်မိူဝ်ႈမပဲန်ကတီုက်ကပဴင်မာ် ဆီုက်ဘြာန်ဇဝ်ဂဲ ရောတ်ဒေဲႈပဴင် ပ္လေဒါင်း ပရဝ်နံမ်ဆော လံက်ဟာဝ်း ကောန်အီမာည်း(1)အီး ကတူႈဘာတ်။
မိုႈဘိုး ဘံန်ဟောည်ႇဒေဲႈ ကျံရ်တီမ် ဆငည်း(27) အခိင်ရဆံန်(2:38)မနေဲတ်ဒိူန် အာဝ်မိူဝ်ႈမပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါယာင်ပ်ုရ် ပဲင်ပ္လေဘျုင် ထာန်ဇံန်(250)အူပိုင်း ကာည်း ပ္လေဒါင်း(6)ပိုင်း လံက်အီမာည်း ကာည်း လိုင်းဆဘေပ်ုန်တီႇဆ်ုမ်အူန်းကူန်ရဝ်မာဂါင်ဂဲ လူလှဲဝ်ႏဟာဝ်း။
လှံင်မိူင်လိုင်၊ ပရဝ်ပါင်ဆပေ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(500)(2)ပိုင်း လံက်ကျောင်စဝ်ကာည်း ဂါင်ဂေါည်(20)ဂါင် လူလှဲဝ်ႏဟာဝ်း။
ကနာည်နံင်လောတ်ဖေးယာင်ပ်ုရ် ဒရိုင်း၊ ပ္လေဒါင်း ဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနှဲလေႈ ဘည်ရဒေင်ဒံန်ခြဲ ကနာည်နံင်ဒဝ်းလောတ် ယာင်ပ်ုရ်ဆီုက်ဘြာန်ဇေဝ်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists