ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင် ပ္လေဘျုင် ပလှံင်မိုဂူႈ လံက်ကောန်အီမာည်း(1)အီး ကတူႈဘာတ်
01 October 2025
ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင် ပ္လေဘျုင် ပလှံင်မိုဂူႈ လံက်ကောန်အီမာည်း(1)အီး ကတူႈဘာတ်
လှံင်မိုဂူႈ၊ ကျံရ်အူကိူရ် ဆငည်း(1)
ဆဒါင်ကုင်တအာင်း
ကုင်တအာင်း၊ လှံင်မိုဂူႈ၊ ကဒါလံပ်က်ုတ်ဆငည်း ပရဝ်ယေထောည် ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင် ပ္လေဘျုင် လံက်ဟာဝ်း ကောန်အီမာည်း(1)အီး ကတူႈဘာတ်။
ဘည်မိုႈအ်ုန် ကျံရ်အူကိူရ် ဆငည်းအဒိူဝ်း အခိင်ခီညှာ(10:49)မနေဲတ်ဒိူန် ပရဝ်ယေထောည်ဒီန် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါယာင်ပ်ုရ် ပဲင်ပ္လေဘျုင် ထာန်ဇံန်(250)အာရ်ပိုင်း လံက်အီမာည်း (1)အီး ကာည်း ဂါင် အူဂါင်လူလှဲဝ်ႏဟာဝ်း။
ဘံန်ဟောည်ႇဒေဲႈ ကျံရ်တီမ် ဆငည်း(27)ဒိူန် လှံင်မာဝ်းဓံင်း၊ ဘည်အာဝ်မိူဝ်ႈမပဲန်ကတီုက်ကပဴင်မာ် ဆီုက်ဘြာန်ဇဝ်ဂဲ ရောတ်ဒေဲႈပဴင် ပ္လေဒါင်း ပရဝ်နံမ်ဆော လံက်ဟာဝ်း ကောန်အီမာည်း(1)အီး ကတူႈဘာတ်။
ခေဲင်ကျံရ်တီမ်နီန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ်ပဴင်ပ္လေဘျုင် ပလှံင်မာဝ်းႎံင်း (6)လိူဝ်ႈ၊ ပလှံင်ဆဘော(1)လိူဝ်ႈ၊လှံင်မိုဂူႈ (2)လိူဝ်ႈ ကာည်း လှံင်မိူင်လိုင်(1)လိူဝ်ႈ။
ဂေါႇပ္လေဘျုင်ပဴင်ဆီုက်ဘြာန်ဂဲဘည်ဒီန် လံက်ဟာဝ်း ကောန်အီမာည်း(2)အီယံမ်းး၊ အီမာည်း(2)အီး ကာည်း အီပ်ုန်(4)အီး ကတူႈဖေးဘာတ်၊ မိုႈဘိုး ဂါင်ဂေါည်(40)ဂါင်ကာည်း ကျောင်ပနောဘေဲႇ(1)ကျောင်၊ ကျောင်စ်(1)ကျောင်၊ ဓှါင်းကျောင်(1)ကျောင်၊ ဂါင်ဒီအီတ်(1)ပိုင်းကာည်း ကား(1)ကြောင် လူလှဲဝ်ႏဟာဝ်း။
ကနာည်နံင်လောတ်ဖေးယာင်ပ်ုရ် ဒရိုင်း၊ ပ္လေဒါင်း ဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနှဲလေႈ ဘည်ရဒေင်ဒံန်ခြဲ ကနာည်နံင်ဒဝ်းလောတ် ယာင်ပ်ုရ်ဆီုက်ဘြာန်ဇေဝ်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists