02 October 2025

ပလှံင်အိုမ်ငျံရ် ကာည်း ရူကော ဂေါႇဆီုက်ဘြာန်ဇဝ်ဂဲ ဒါယာင်ပ်ုရ်  ရောတ်ဒေဲႈပဴင် ပ္လေဘျုင် လံက်ကူန်ရဝ်မာဂါင်(3)အီးယံမ်း၊ တောပ်ဘိုးကာန်ဒဲႇ (6)အီးကတူႈဘာတ် 

ဆန်ုမ်2025၊ကျံရ်အူကိူရ် ဆငည်း(2)

ဆဒါင်ကုင်တအာင်း

ကုင်တအာင်း၊ပလှံင်အိုမ်ငျံရ် ကာည်း ရူကော ဂေါႇဆီုက်ဘြာန်ဇဝ်ဂဲ ဒါယာင်ပ်ုရ်  ရောတ်ဒေဲႈပဴင် ပ္လေဘျုင် လံက်ကူန်ရဝ်မာဂါင်(3)အီးယံမ်း၊ ခေဲင်ဒီန်တောပ်ဘိုးကာန်ဒဲႇ(6)အီး ကတူႈဘာတ်။

ဘည်မိုႈအ်ုန် ကျံရ်အူကိူရ်  ဆငည်းအဒိူဝ်း အခိင်ခီညှာဇေဝ်း(7:20)မနေဲတ်ဒိူန် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါယာင်ပ်ုရ် ရောတ် ဒေဲႈပဴင်ပ္လေဘျုင် ပလှံင်အိုမ်ငျံရ်(1)ပိုင်းကာည်း လှံင်ရူကာ (4)ပိုင်း။

ဂေါႇပ္လေဘျုင်ပဴင်ဆီုက်ဘြာန်ဂဲ ဇောႈပဒူႈဘည်ဒီန် လံက်ဟာဝ်း  ကူန်ရဝ်မာဂါင်(3)အီးယံမ်း (6)အီးကတူႈဘာတ် ခေဲင်ဒီန် အ်ုန်တောပ်ဘိုးကာန်ဒဲႇကာည်း ဂါင်(8)ဂါင် လူလှဲဝ်ႏဟာဝ်း။

ဘံန်ဟောည်ႇဒေဲႈ ကျံရ်အူကိူရ် ဆငည်း(1)ဒိူန်   ပလှံင်မိုဂူႈ၊ ကဒါႇလံပ်က်ုတ်ဆငည်း ပရဝ်ယေထောည် ဂေါႇဆီုက်ဘြာန်ဂဲ ဒါယာင်ပ်ုရ်  ရောတ်ဒေဲႈပဴင် ပ္လေဘျုင် လံက်ဟာဝ်း ကောန်အီမာည်း(1)အီး ကတူႈဘာတ် ကာည်း   ဂါင်(1)ဂါင်မာ် လူလှဲဝ်ႏဟာဝ်း။                                                                                                            

ကနာည်နံင်လောတ်ဖေးယာင်ပ်ုရ် ဒရိုင်း၊ ပ္လေဒါင်း ဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနှဲလေႈ ဘည်ရဒေင်ဒံန်ခြဲ ကနာည်နှာင်းဒဝ်းလောတ် ယာင်ပ်ုရ်ဆီုက်ဘြာန်ဇေဝ်ဂဲအောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း