02 October 2025

ခေဲင်ကျံရ်တီမ်ဒိူန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင် ပ္လေဒါင်းကာည်း ဒါဒရိုန်း ပဴင်‌ပ္လေဘျုင် လံက် ကောန်အီမာည်း(3)အီးယံမ်း အီမာည်း(1)အီး ကာည်း ကောန်အီပ်ုန် (4)အီး ကတူႈဘာတ် 

ကုင်တအာင်း၊ ကျံရ်အူကိူရ်၊ ဆငည်း(2)

ဆဒါင်ကုင်တအာင်း

ကုင်တအာင်း ခေဲင်ကျံရ်တီမ်ဒိူန်  ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဒါင်းကာည်း ဒါဒရိုင်း ပဴင်ပ္လေဘျုင် ပလှံင်မာဝ်းဓံင်း (10)လိူဝ်ႈ၊ ပလှံင်ဆဘော (1)လိူဝ်ႈ ၊ လှံင်မိုဂူႈ(2)လိူဝ်ႈ ကာည်း  မိူင်လိုင် (1)လိူဝ်ႈ လံက်ဟာဝ်း ကောန်အီမာည်း(3)အီးယံမ်း၊ အီမာည်း(1)အီး ကာည်း ကောန်အီပ်ုန် (4)အီး ကတူႈဘာတ် ဂါင်(45)ဂါင်၊ ကျောင်ပနောဘေဲ(1)ကျောင် ကျောင်စဝ်(2)၊ ဓှါင်းဆုင်ဆာမ်(1)ကျောင်၊ ဂါင်ဓါႈ(2)ဂါင် ကာည်း ကား(1)ကြောင် ကတူႈဆိက်ပ္လေဘျုင်လံက် လူလှဲဝ်ႏဟာဝ်း။

ပလှံင်မာဝ်းဓံင်း၊ ဂေါႇဆီုက်ဘြာန်ဇေဝ်ဂဲ ကယေင်ပဴင် တေဲင်ကူန်ရဂ်မာဂါင်ဂဲ ဒါယာင်ပ်ုရ်  ပဴင်ပ္လေဒါင်း ကာည်း ဒါဒရိုန်း (10)လိူဝ်ႈ စီလံက်ဟာဝ်း အီမာည်း(3)အီးယံမ်း၊ အီပ်ုန်(3)အီးကတူႈဘာတ်  ဂါင်(16)ဂါင်၊ ကျောင်ပနောဘေဲႇ(1)ကျောင် ကျောင်စဝ်(2)ကျောင်၊ ဒီဆူင်ဆောမ်(1)ကျောင် ကာည်း ကား(1)ကြောင် ကတူႈဆိက်ပ္လေဘျုင်လံက် လူလှဲဝ်ႏဟာဝ်း။

ဆဲႈဒီန် ပလှံင်ဆ‌ဘော ရဝ်ဘောစို ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် (2)ပိုင်း လံက်ဟာဝ်း ကောန်အီမာည်း(1)အီး ကတူႈဘာတ် ဂါင်ဂေါည်(3)ဂါင် လူလှဲဝ်ႏဟာဝ်း။

ပလှံင်မိုဂူႈ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ဇဲတ်ဓှည်တာ ပဴင်ပ္လေဘျုင်တေဲင်ဒီဂေါည် ကူန်ရဂ်မာဂါင်ဂဲ (4)ပိုင်း လံက်ဟာဝ်း ကောန်အီပ်ုန်(1)အီး ကတူဖေးဘာတ် ကာည်း ဂါင်(6)ဂါင် ကာည်းကား(1)ကြောင် လူလှဲဝ်ႏဟာဝ်း။

ပလှံင်မိူင်လိုင် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် ထာန်ဇံန်(500) (2)ပိုင်း လံက် ဂါင်(20)ဂါင် ကာည်း ကား(1) လူလှဲဝ်ႏ။

ခေဲင်ကျံရ်တာရ်ဒိူန် ပလှံင်မာဝ်းဓံင်း၊ လှံင်မိုဂူႈ၊ လှံင်မိူင်ငှေါ၊ လှံင်ဆဘောကာည်း မိူင်လိုင် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင် ပ္လေဒါင်းကာည်း ဒရိုန်း လံက်ဟာဝ်း စဝ်ဆာင်ခါ ၊ ယာခါဝ် ၊ ကောန်ဒဲဂါရ် ကူန်ရဝ်မာဂါင် (46)အီးယံမ်း၊ စဝ်ဆာင်ခါ(6)ပါး၊ သာမဏေ(6)ပါး ကာည်း ကူန်ရဝ်မာဂါင် (55)အီး ကတူႈဘာတ် ဆဲႈဒါဒီန် ဂါင်(108)ဂါင် ၊ ဂါင်ဓါႈ(2)ဂါင်၊ ကျောင်ပနောဘေဲႇ(1)ကျောင်၊ ဓှါင်း(9)ဓှါင်း၊ ဓမ္မာရုံ(1)ကျောင်၊ ကား(7)ကြောင်ကာည်း ဆဲင်ကယ်(3)ကြောင် ကတူႈဆိက်ပ္လေဘျုင်လံက် လူလှဲဝ်ႏဟာဝ်း။  

ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း