03 October 2025

ဘည်တိူရ်ႈလိူရ်ႈယိူဝ်း ဆီုက်ဘြာန်ဇေဝ်ဂဲ လူည်ႇအီုင်ဂ္လံတ်ဆီုက်

လှံင်အိုမ်ငျံရ်၊ ကျံရ်အူကိူရ် ဆငည်း(3)

အရာင်ပုင်ဆဒါင်

ဘည်တိူရ်ႈလိူရ်ႈယိူဝ်း ပ်ုန်လူလှဲဝ်ႏဟာဝ်း ဆငည်းအမှိူဝ် အခိင်ခီညှာဒိူန် ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် ဂါင်ဂေါည်ကူန်ရဝ်မာဂါင်ဂဲ အီဂေါည်တပြောကျောင်ဗုဗ္ဗာရုံ ပလှံင်အိုမ်ငျံရ်၊ ခေဲင်ကုင်တအာင်း။

ဂေါႇဆီုက်ဘြာန်ဇေဝ်ဂဲ ဒါနောႈကယေင်တေဲင် ကူန်ရဝ်မာဂါင်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(500) လံက်အီမာည်း(1)အီးကာည်း အီပ်ုန်(3)အီး ယံမ်းဟာဝ်း၊ တောပ်ဘိုးကောန်ဒဲႇ(1)အီး ၊ အီမာည်း(2)အီးကာည်း အီပ်ုန်(2)အီး ကတူႈဘာတ်။

ဆဲႈဒါႇဒီန် လံက်ကဆူမ်းဟာဝ်း ဂါင်ဂေါည်ကူန်ရဝ်မာဂါင်ဂဲ(8)ဂါင် လူလှဲဝ်ႏ၊ ဆီုက်ဘြာန်ဇေဝ်ဂဲ ဒါနောႈကယေင် ဆိင်ရေဲန်ဒဲႈ ကူန်ရဝ်မာဂါင်ဂဲယံမ်းဘည်နီန်၊  ဂဲပ်ုန်ကယေင် အာဝ်ဆိင်ဒဲႈ ကူန်ရဝ်မာဂါင်ဂဲ ယဒေဂေါည်ခေဲင်လှံင်၊ ပ်ုန်ကယေင်ဒါယာင်ပ်ုရ် ကာည်း ‌ပ္လေဒါင်း ပဴင်ပ္လေဘျုင် လူည်ႇဟာဝ်းအီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲ ဒီအာဝ်မိူဝ်ႈဆီုက်နာန်း ကာည်း ဒီဂေါည်ဂီုန်းတိုအီး ဘည်နီန်အောႏ။

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်း ဒီမိုႈ ဖုင်ကောန်တီုင်ကုင် အီးဘားလာက်နာတ်ဂဲ၊ အာဝ်ဒါႈလိူည် ဒီတီုက်ဘိူန်းဆီမ်းဟာဝ်း ဖုင်တံပ်ယိူဝ်ႇတီုက်ႎှီုန်း ဆံင်ခံတ်အာဏာဆျှီန်ဂဲနီန်မာ်၊ ဂဲဒါ ပ္လေဒါင်း၊  ဒရိုင်း၊  ယာင်ပ်ုရ်ကဲနီန် ပဴင်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲဘည်နီန် တောန်ဆငည်းအောႏ။

#PSLF/TNLA

#တီုင်ပ္လေလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း