ပ္လေါည်ႎိူဝ်ႈထီ လိူဝ်ႈ(28)နီန် အီဘိူန်းဟာဝ်း ဆုဒါင်း(500)ဆဲန်မိုႈ အီဂေါည် ပရဝ်ကုင်ကမာည်း ယာအပီး
03 October 2025
ပ္လေါည်ႎိူဝ်ႈထီ လိူဝ်ႈ(28)နီန် အီဘိူန်းဟာဝ်း ဆုဒါင်း(500)ဆဲန်မိုႈ အီဂေါည် ပရဝ်ကုင်ကမာည်း ယာအပီး
ကုင်တအာင်း၊ ကျံရ်အူကိူရ် ဆငည်း(3)
ဆဒါင်ကုင်တအာင်း
ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာ ကုင်တအာင်း ပ္လေါည်ႎိူဝ်ႈထီ လိူဝ်ႈ(28)နီန် အီဘိူန်းဟာဝ်း ဆုဒါင်း(500)ဆဲန်မိုႈ ယာအပီးအီဂေါည် ပရဝ်ကုင်ကမာည်း ခမိုကုင်ကမာည်း၊ လှံင်အိုမ်ယ်ုရ်။
ကနာည်ရိူန်းဒူး လံပ်ပိင်ငျာကုင်တအာင်း ကောင်ဆံရ်ဇီုင်းပိင်ငျာကုင်တအာင်း - TLEC ဆာ်ႈအွံရ်ႎိူဝ်ႈဟာဝ်း ထီတအာင်းလိူဝ်ႈ(28)နီန် ခည်မိုႈ ကျံရ်အူကိူရ် ဆငည်း(1) အခိင်ခီညှာဒိူန် ခေဲင်ကုင်တအာင်းအူဒီ။
အက္ခရာ ဆုဒါင်း(500)ဆဲန် မိုႈ (A-53017)၊ ဆဲႈဒါႇ ဆု(500)ဆဲန် အ်ုန်တောပ် ဆု(100)ဆဲန် (1)ဆု၊ ဆု(50)ဆဲန် (1)ဆု၊ ဆု(30)ဆဲန် (2)ဆု၊ ဆု(10)ဆဲန် (3)ဆု၊ ဆု(5)ဆဲန် (4)ဆု ၊ ဆု(2)ဆဲန် (30)ဆု၊ ဆဲႈဒါႇဒီန် ချဒဲႈဟာဝ်းဘိုး ဆုဂဏန်းအီကနှေရ်ရဘံန်း(4)ပိုင် တဆု(500)ဆဲန် ကာည်း အက္ခရာ အီအာဝ်ကနှေရ် တဆု(100)ဆဲန်ကဲနီန်။
ခည်မိုႈ ကျံရ်တီမ် ပ္လေါည်ႎိူဝ်ႈထီ လိူဝ်ႈ(27)ဒိူန် အီဘိူန်းဟာဝ်း ဆုဒါင်း(500)ဆဲန်မိုႈ ပ.လ.ဖ ကိုဝေလီန် (NUG) အီဂေါည် ပကုင်မကွေး။
ကောင်ဆံရ်ဇီုင်းပိင်ငျာကုင်တအာင်း-TLECဂဲ ဘံန်ဟောည်ႇဒေဲႈ ဆန်ုမ်ပနောဘေဲႇ 2024-2025ဒိူန် ဘယ်ႎိူဝ်ႈဟာဝ်း ကျောင်ပနောဘေဲႇ(600)ကျောင်လေႈ၊ ကောန်ကျောင်အီဟိုက်ဂေါည်(66000)အီးလှိူဝ်း ကာည်း တာဆြာ/ယာဆြာဂေါည် (3500)အီးလှိူဝ်း၊ ဆာ်မိုႈ ဆန်ုမ်ပနောဘေဲႇ 2025-2026နီန်း နံင်ဆီုပ်ႎိူဝ်ႈဟာဝ်းဘိုး ကျောင်အီကီုတ်ခေဲင်လှံင်ဂဲဒိူန်။
ဂေါႇဘည်ဒီန် ပ်ုန်လိုရိူန်းဒူး အီကီုတ်ကနာည်ကျောင်ဂဲဒီန် ကာည်း ရိူန်းရူႈကျံရ် ကနာည်တာဆြာ/ယာဆြာဂဲ ရိူန်းပ်ုန်ဘိူန်းယံင်းဟာဝ်း ထီတအာင်းနီန်း စီကဇောည်ဒဲႈဟာဝ်းကနာည်ဂဲ၊ ဘည်ကဆီုဝ် ကူန်ရဝ်မာဂါင်အယ်ဂဲ အီခေဲင်အရာပ်အရာအယ်ကဲနီန် ဆာ်အယ်ဆိင်ကဇောည်ထီဝ်း လံပ်ပိင်ငျာကောန်ကျောင်ဂဲ ဘိူန်းအူန်းကဇောည် ထိုးဒဲႈထီတအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists