03 October 2025

ဂေါႇဆီုက်ဘြာန်ဂဲ ဒါယာင်ပ်ုရ်  ရောတ်ဒေဲႈပဴင်ထဲင် ပ္လေဘျုင် ပလှံင်ဆဘော လံက်ဂါင်ဓါႈ(1)ဂါင် လူလှဲဝ်ႏဟာဝ်း

ဆဘော၊ ကျံရ်အူကိူရ် ဆငည်း(3)

ဆဒါင်ကုင်တအာင်း

ကုင်တအာင်း၊ ပလှံင်ဆဘော ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ထဲင် ပ္လေဘျုင် ထာန်ဇံန်(500)(2)ပိုင်း လံက်ဂါင်ဓါႈ(1)ဂါင် လူလှဲဝ်ႏဟာဝ်း။

ကျံရ်အူကိူရ် ဆငည်း(2) အခိင်ရမှိူဝ်(10:15)မိနေတ်ဒိူန်   ပလှံင်ဆဘော၊ ရဝ်ဆာန်ဖေက် ဆီုက်ဘြာန်ဇေဝ်ဂဲ ကယေင်ခည်း ဒါယာင်ပ်ုရ် ရောတ်ဒေဲႈပဴင်ထဲင်ပ္လေဘျုင် ဇောႈပဒူႈဟာဝ်း ဒီအီတ်ကဒံတ်ဟောတယ်ကုမုဒြာ စီလံက်ဟာဝ်း ဟောတယ်ကုမုဒြာ လူလှဲဝ်ႏဒို,။

ဆဲႈဒီန် ကျံရ်တီမ် ဆငည်း(3)ဒိူန် ပလှံင်ဆ‌ဘော ရဝ်ဘောစို ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ပဴင်ပ္လေဘျုင် (2)ပိုင်း လံက်ဟာဝ်း ကောန်အီမာည်း(1)အီး ကတူႈဘာတ် ဂါင်ဂေါည်(3)ဂါင် လူလှဲဝ်ႏဟာဝ်း။

ယာမ်မိုႈ ကျံရ်အူကိူရ်  ဆငည်း(2) အခိင်ခီညှာဇေဝ်းဒိူန် ပလှံင်အိုမ်ငျံရ် ဆီုက်ဘြာန်ဇေဝ်ဂဲ ဒါနောႈကယေင်တေဲင်ကူန်ရဝ်မာဂါင်ဂဲ ဒါယာင်ပ်ုရ် ရောတ် ဒေဲႈပဴင်ပ္လေဘျုင် ထာန်ဇံန်(500) (1)ပိုင်း ဇောႈပဒူႈဘည်ဒီန် လံက်ဟာဝ်း  ကောန်အီမာည်း(1)အီး ကာည်း ကောန်အီပ်ုန် (3)ယံမ်း၊ ကောန်ဒဲ (1)အီး၊ ကောန်အီမာည်း(2)အီး ကာည်း ကောန်အီပ်ုန် (2) ကတူႈဖေးဘာတ်။

ကူန်ရဝ်မာဂါင်အယ်ဂဲ ကနာည်နံင်လောတ်ဖေးယာင်ပ်ုရ် ဒရိုင်း၊ ပ္လေဒါင်း ဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနှဲလေႈ ဘည်ရဒေင်ဒံန်ခြဲ ကနာည်နှာင်းဒဝ်းလောတ် ယာင်ပ်ုရ်ဆီုက်ဘြာန်ဇေဝ်ဂဲ။

ကညာအာ‌ဏာဇဝ်ကဲနီန် တောန်မှိူဝ် တောန်ဆငည်း ဂဲဒါယာင်ပ်ုရ်၊ ဒါဒရိုင်း ‌‌ပဴင်ပ္လေဒါင်း ကာည်း ‌‌‌‌‌‌‌‌‌‌ပ္လေဘျုင် တီုက်ယာပ်ုန်လူလှဲဝ်ႏ ခေဲင်ကုင်တအာင်း အာဝ်ဓါန်း ဒီဘိူန်းတဘြာင်ချှာင် ဖုင်ကောန်တီုင်ကုင် ကာည်း ဖုင်တံပ်ယိူဝ်တီုက်ဓှီုန်းအီဆံင်ခံတ်အာဏာဆျှီန် တေဲင်ကူန်ရဝ်မာဂါင်ဂဲနီန်မာ် ဆီုက်ဘြာန် ဇေဝ်ဂဲ လူည်ႇအီုင်ဂ္လံတ်ဆီုက်အောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း