05 October 2025

ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပလှံင်ဆဘော 

ဆဘော၊ ကျံရ်အူကိူရ် ဆငည်း(5)

ဆဒါင်ကုင်တအာင်း 

ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဘိုး ပ္လေဘျုင် ပရဝ်မာန်ဟဲ၊ လှံင်ဆဘော၊ ခေဲင်ကုင်တအာင်းအောႏ။ 

ကျံရ်အူကိူရ် ဆငည်း(4) အခိင်ခီညှာ(7:49)မိနေတ်ဒိူန် ဆီုက်ဘြာန်ဇေဝ် ဒါဇဲတ်ႎှည်တာ ရောတ်ဒေဲႈပဴင်ဘိုး ပ္လေဘျုင် ထာန်ဇံန်(250)(2)ပိုင်း ခေဲင်တံပ်ဆခါန်းပြီမ်ဂေါည်ဂဲအာည်ႇနီန် ပရဝ်မာန်ဟဲ။ 

မိုႈဘိုး ကျံရ်အူကိူရ် ဆငည်း(2)ဒိူန်မာ် ဆီုက်ဘြာန်ဇေဝ် ဒါနောႈကယေင်တေဲင်ကူန်ရဝ်မာဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(250)(2)ပိုင်း ပဟော်တယ်ကုမုဒြာ ရဝ်ဆာန်ဖေက် လှံင်ဆဘော လံက်ဟာဝ်း ဂါင်ႎါႈ(1)ဂါင် လူလှဲဝ်ႏ။ 

ဆဲႈဒါႇဒီန်  ကျံရ်အူကိူရ် ဆငည်း(2)ဒိူန်  အာဝ်မိူဝ်ႈပဲန်ကတီုက်ကပဴင်မာ် ဆီုက်ဘြာန်ဇေဝ်ဂဲ ရောတ်ဒေဲႈပဴင်ပ္လေဘျုင် ထာန်ဇံန်(500)(1)ပိုင်း ခေဲင်လှံင်အိုမ်ငျံရ် လံက်ဟာဝ်း ကူန်ရဝ်မာဂါင်ဂဲ(3)အီးယံမ်း၊ (6)အီး ကတူႈဘာတ် ဂါင်ဂေါည်(8)ဂါင် လူလှဲဝ်ႏဟာဝ်း။ 

ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။ 

ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်းပဴင်​ ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။ 

#PSLF/TNLA

#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း