ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင်ထဲင် ပ္လေဘျုင် ပလှံင်အိုမ်ငျံရ် လံက် ကောန်အီပ်ုန်(4)အီး ကတူႈဘာတ်
17 October 2025
ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင်ထဲင် ပ္လေဘျုင် ပလှံင်အိုမ်ငျံရ် လံက် ကောန်အီပ်ုန်(4)အီး ကတူႈဘာတ်
အိုမ်ငျံရ်၊ ကျံရ်အူကိူရ် ဆငည်း(17)
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ထဲင် ပ္လေဘျုင် ပလှံင်အိုမ်ငျံရ် လံက်ဟာဝ်း ကောန်အီပ်ုန်(4)အီး ကတူႈဘာတ်။
ကျံရ်အူကိူရ် ဆငည်းအဒိူဝ်(17) အခိင် ခီညှာ(8:28)မိနေတ်ဒိူန် ဆီုက်ဘြာန်ဇေဝ်ဂဲ ကယေင်တေဲင်ကူန်ရဝ်မာဂါင်ဂဲ ဒါယာင်ပ်ုရ် ရောတ်ဒေဲႈပဴင်ထဲင်ပ္လေဘျုင် ထာန်ဇံန်(250) (2)ပိုင်း တပြောကျောင် အ.ထ.က(1) လှံင်အိုမ်ငျံရ်၊ လံက်ဟာဝ်း ကောန်အီပ်ုန်(4)အီး ကတူႈဘာတ်၊ ကျောင်ပနောဘေဲႇ (2)ကျောင် ကာည်း ဂါင်ကူန်ရဝ်မာဂါင်ဂဲ လူလှဲဝ်ႏဟာဝ်း။
မိုႈဘိုး လှံင်အိုမ်ယ်ုရ် ပရဝ်ဟိုမိူင် ဂေါႇဆီုက်ဘြာန်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ဆီုပ်တခါရ်ဟာဝ်းအူန်း ဘည်မိူဝ်ႈအာဝ်မိူဝ်ႈ လံက်တိုအီးယံမ်း၊ ကတူႈဘာတ်ဘည်နီန်။
ခေဲင်ကျံရ်အူကိူရ် ဇူႈဆငည်း(1)ရောတ် ဆငည်း (16)နီး ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ပလှံင်ရူကော(1)လိူဝ်ႈ၊ ပလှံင်မာဝ်းႎံင်း (3)လိူဝ်ႈ၊ လှံင်ဆဘော (5)လိူဝ်ႈ၊ လှံင်ကုင်ငှေါ(1)လိူဝ်ႈ၊ လှံင်မိူင်လိုင် (4)လိူဝ်ႈ၊ လှံင်အိုမ်ယ်ုရ် (3)လိူဝ်ႈ၊ လှံင်အိုမ်ငျံရ် (4)လိူဝ်ႈ၊ လှံင်မှိူမ်မီုတ်(3)လိူဝ်ႈ ကာည်း လှံင်မိုဂူႈ (1)လိူဝ်ႈ ကစုကပိုမ် (25)လိူဝ်ႈ။
ဂေါႇပ္လေဘျုင်ပဴင်ဆီုက်ဘြာန်ဇဝ်ဂဲဘည်ဒီန် လံက်ဟာဝ်း ကောန်ဒဲႇ (7)အီး၊ ကောန်အီမာည်း(10)အီး၊ အီပ်ုန်(12)အီးယံမ်း၊ ကောန်ဒဲႇ(11)အီး၊ ကောန်အီမာည်း(14)အီး၊ အီပ်ုန်(11)အီး ကတူႈဘာတ်၊ ဂါင်(108)ဂါင်၊ ကျောင်ပနောဘေဲႇ (3)ကျောင်၊ ကျောင်စဝ် (2)ကျောင်၊ ဓှါင်းကျောင်(4)ကျောင် ကာည်း ဂါင်ႎါႈ(4)လှေ လူလှဲဝ်ႏဟာဝ်း။
ကူန်ရဝ်မာဂါင်အယ်ဂဲ ကနာည်နံင်လောတ်ဖေးယာင်ပ်ုရ် ဒရိုင်း၊ ပ္လေဒါင်း ဆီုက်ဘြာန်ဇေဝ်ဂဲ လိုတောပ်ခေါပ်ပြာႇ ပ်ုန်ရိူရ်ႈနှဲလေႈ ဘည်ရဒေင်ဒံန်ခြဲ ကနာည်နှာင်းဒဝ်းလောတ်ဘိုန်ဒါႇ ယာင်ပ်ုရ်ဆီုက်ဘြာန်ဇေဝ်ဂဲ။
ကညာအာဏာဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists