ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေပ္လေႈပ္လေဘျုင် ပရဝ်ကောန်ဟာည် လံက်ဟာဝ်း ကောန်အီပ်ုန်(5)အီး ကာည်း ကောန်အီမာည်း(1)အီး တောပ်ကောန်ကညောမ် ဘိူန်းအဆာက်( 10 )ဆန်ုမ်ယံမ်း၊ ကူန်ရဝ်မာဂါင်(4)အီး ကတူႈဘာတ်
20 October 2025
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေပ္လေႈပ္လေဘျုင် ပရဝ်ကောန်ဟာည် လံက်ဟာဝ်း ကောန်အီပ်ုန်(5)အီး ကာည်း ကောန်အီမာည်း(1)အီး တောပ်ကောန်ကညောမ် ဘိူန်းအဆာက်( 10 )ဆန်ုမ်ယံမ်း၊ ကူန်ရဝ်မာဂါင်(4)အီး ကတူႈဘာတ်
အိုမ်ယ်ုရ်၊ ကျံရ်အူကိူရ်၊ ဆငည်း(20)
ဆဒါင်ကုင်တအာင်း
ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေပ္လေႈပ္လေဘျုင် ပရဝ်ကောန်ဟာည် လံက်ဟာဝ်း ကောန်အီပ်ုန်(5)အီး ကာည်း ကောန်အီမာည်း(1)အီး တောပ်ကောန်ကညောမ် ဘိူန်းအဆာက်( 10 )ဆန်ုမ်ယံမ်း၊ ကူန်ရဝ်မာဂါင်(4)အီး ကတူႈဖေးဘာတ်။
ဆီုက်ဘြာန်ဇေဝ်ဂဲ မိူဝ်ႈနောႈကယေင်ဒါင်းဒါင်းတေဲင်ကူန်ရဝ်မာဂါင် ရောက်အခိင် (8:25)နထာန်နီး ဆီုက်ဘြာန်ဇေဝ်ဂဲ ဒါပွံတ်ယာင်ပ်ုရ် ရောတ်ဒေပ္လေႈပ္လေဘျုင် ထာန်ဇံန် (250)အာရ်ပိုင်း လံက်ဟာဝ်းကောန်ကညောမ် ဘိူန်းအဆာက်( 10 )ဆန်ုမ် လိုည်းနီလာအံင်၊ လိုည်းယီယီလဲင် ဘိူန်းအဆာက် (21)ဆန်ုမ်၊ လိုည်းဆာန်းဆာန်းအူး ဘိူန်းအဆာက် (21)ဆန်ုမ်၊ ယာအေးတာင်း ဘိူန်းအဆာက်( 35)ဆန်ုမ်၊ တာတာန်းကျော် ဘိူန်းအဆာက်( 42 )ဆန်ုမ် ကာည်း ယာအေးဟေင် ဘိူန်းအဆာက် ( 47 )ဆန်ုမ် ယံမ်းဟာဝ်းပွံတ်ကဆီုဝ်ဒီ။
ဆာ်မိုႈ ကူန်ရဝ်မာဂါင်ဂဲ ကတူႈဖေးဘာတ်ဒေ မာည်းစော်ဖဇေယအူး ဘိူန်းအဆာက် (4)ဆန်ုမ်၊ ယာအီအေ ဘိူန်းအဆာက် (68)ဆန်ုမ် ကာည်း တာကျော် ဘိူန်းအဆာက် (77)ဆန်ုမ်၊ ယာစောယီင် ကတူႈဟာဝ်းဖေးဘာတ်ဒါင်း ဂါင်ဂေါည် (25)ဂါင်၊ ဆဲင်ကယ် (4)ကြောင်မာ် လံက်လူလှဲဝ်ႈဟာဝ်းအောႏ။
ဆဲႈဒီန် ပလှံင်မာဝ်းဗံင်း၊ ပရဝ်(11)လှံက်မာ် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေပ္လေႈပ္လေဘျုင် ထာန်ဇံန် (500)အူပိုင် လံက်ဟာဝ်း စဝ်ဆာင် (2)ပါး ကတူႈဘိူန်းဖေးဘာတ် ကျောင်စဝ် အူကြောင် ကာည်း ဗှါင်ဒီဒါဆောမ် အူဗှါင်လံက်လူလှဲဝ်ႈဟာဝ်းအောႏ။
ခေဲင်ကျံရ်အူကိူရ်နီး ဇူႈဆငည်း(1) ရောတ် ဆငည်း( 17 ) ဆီုက်ဘြာန်ဇေဝ်ဂဲ ဒါယာင်ပ်ုရ် လီလာပဲင် ခေဲင်လှံင်ရူကော အူလိူဝ်ႈ၊ လှံင်မာဝ်းဗံင်းအိုည်လိူဝ်ႈ၊ လှံင်ဆဘော ဖံန်လိူဝ်ႈ၊ လှံင်ကုင်ငေါှ အူလိူဝ်ႈ၊ လှံင်မိူင်းလိုင် ဖိုန်လိူဝ်ႈ၊ လှံင်အိုမ်ယ်ုရ် ဖိုန်လိူဝ်ႈ၊ လှံင်အိုမ်ငျံရ် ဖံန်လိူဝ်ႈ၊ လှံင်မှိူမ်မီုတ် အိုည်လိူဝ်ႈ ကာည်း လှံင်မိုဂူႈ အူလိူဝ်ႈ ကစုကပိုမ် (27)လိူဝ်ႈထာန်နီး။
ဂေါ,ပ္လေဘျုင် ပဲင်ဆီုက်ဘြာန်ဇေဝ်ဂဲ လံက်ဟာဝ်းကောန်ကညောမ် (7)အီး၊ ကောန်အီမာည်း (11)အီး၊ ကောန်အီပ်ုန် (14)အီးယံမ်းဟာဝ်း၊ ဆာ်မိုႈ အီကတူႈဖေးဘာတ်ဒိူန် ကောန်ကညောမ် (11)အီး၊ ကောန်အီမာည်း (14)၊ ကောန်အီပ်ုန် (15)အီး။ ဆဲ;ဒီန် ဂါင်ဂေါည် (113)ဂါင်၊ ကျောင်ပနောဘေဲ,( 3 )ကျောင်၊ ကျောင်စဝ် ( 2 )ကျောင်၊ ဗှါင်ဒီဒါဆောမ် ( 6 )ဗှါင် ကာည်း ဗှါင်ဂါင်( 4 )ဗှါင်လံက်လူလှဲဝ်ႈဟာဝ်းအောႏ။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists