ဂေါႇဆီုက်ဘြာန်ဇေဝ်ဂဲ ဒါဒရိုန်း ရောတ်ဒေဲႈပဴင်ပ္လေဘျုင် ပရဝ်မာန်လီ ငံရ်က္လိုႇလူလှဲဝ်ႏဟာဝ်း ဂါင်(1)ဂါင်
28 October 2025
ဂေါႇဆီုက်ဘြာန်ဇေဝ်ဂဲ ဒါဒရိုန်း ရောတ်ဒေဲႈပဴင်ပ္လေဘျုင် ပရဝ်မာန်လီ ငံရ်က္လိုႇလူလှဲဝ်ႏဟာဝ်း ဂါင်(1)ဂါင်
အိုမ်ငျံရ်၊ ကျံရ်အူကိူရ်၊ ဆငည်း27
ဆဒါင်ကုင်တအာင်း
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ်၊ ဂေါႇဆီုက်ဘြာန်ဇေဝ်ဂဲ ဒါဒရိုန်း ရောတ်ဒေဲႈပဴင်ပ္လေဘျုင် ပရဝ်မာန်လီ ငံရ်က္လိုႇလူလှဲဝ်ႏဟာဝ်း ဂါင်(1)ဂါင်။
ယာမ်မိုႈ ဆငည်း(25) အခိင် စူန်အံပ် (5)နြီဒိူန် ဂေါႇဆီုက်ဘြာန်ဇေဝ်ဂဲ ဒါဒရိုန်း ရောတ်ဒေဲႈပဴင်ပ္လေဘျုင် (5)ပိုင်း ပရဝ်မာန်လီ စီဇောႈပဒူႈလံက်ဟာဝ်း တေဲင်ဂါင်တားအဟိုင်ကာည်း ယာခံမ်းလီ ငံရ်က္လိုႇဟာဝ်းဂါင်ဘည်ဒီန်။
ဆဲႈဒီန် ဂေါႇဆီုက်ဘြာန်ဇေဝ်ဂဲ ဒီဒါဒရိုန်း ကာည်း ပ္လေဒါင်း ပဴင်ခေဲင်ရဝ်ဘည်ဒီန် ကူန်ရဝ်မာဂါင်ဂဲစီ ႎဲႈဒဝ်းဟာဝ်းဂေါည်ဒီလောတ်ဖေး ဂါင်မံင်ဂါင်မာ် ညာဆိက်ပ္လေလံက် လူလှဲဝ်ႏဟာဝ်း။
ခေဲင်ကျံရ်အူကိူရ် ဇူႈဆငည်း(1)ရောတ် ဆငည်း (26)နီန် ဂေါႇပ္လေဘျုင်ပဴင်ဆီုက်ဘြာန်ဇဝ်ဂဲဘည်ဒီန် လံက်ဟာဝ်း စဝ်ဆာင်ခါ (2)ပါး၊ ကောန်ကညောမ် (10)အီး၊ ကောန်အီမာည်း(16)အီး၊ ကောန်အီပ်ုန်(21)အီးယံမ်း စဝ်ဆာင်ခါ(6)ပါး၊ ကောန်ဒဲႇ(26)အီး၊ အီမာည်း(20)အီး၊ ကောန်အီပ်ုန်(19)အီး ကတူႈဘာတ်၊ ဂါင်ဂေါည်(173)ဂါင်၊ ကျောင်ပနောဘေဲႇ (5)ကျောင်၊ ကျောင်စဝ် (7)ကျောင်၊ ႎှါင်းကျောင်(9)ႎှါင်း ၊ ဂါင်ႎါႈ(6)လှေ၊ လိုင်းဒီဟျံင်အျံရ်(2)လိုင်း၊ ဂါင်ဆဲင်(5)ဆဲင်၊ ယုင်စာက်မျံမ် (1)ယုင်၊ ဆဲင်ကယ် (4)ကြောင်၊ ကား (10) လူလှဲဝ်ႏဟာဝ်း။
ဂေါႇဆီုက်ဘြာန်ဇေဝ်ဂဲ ဂီုည်လည်ဒေပဴင်ဟာဝ်း ပ္လေဘျုင်ဘည်နီန် ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်း ဆဒိ လံပ်ဆီုက်နာန်းနီန်း၊ လိုရေဲန်အူန်းမိူဝ်ႈ ရဒေင်ဒီဒံန်ခြဲ၊ ကနာည်နံင်ဒဝ်းလောတ် ဘိုန်းဒါႇယာင်ပ်ုရ်ပဴင် ဆီုက်ဘြာန်ဇေဝ်ဂဲနီန်အောႏ။
ဆီုက်ဘြာန်ဇေဝ်ဂဲနီန် အာဝ်ႎါ်န်းလိူည် ခေဲင်ကုင်တအာင်းနီန် ပ်ုန်ဖုင်ကောန်တီုင်ကုင်အီးဘားနာက်လာက်ဂဲ ကာည်း ဖုင်ယိူဝ်ႇတီုက်ႎှီုန်းဂဲ တီုက်ဘိူန်းဆီမ်းဟာဝ်း ဒီလှံင်ကဲနီန်မာ် ဂဲဒါယာင်ပ်ုရ်၊ ပ္လေဒါင်း ကာည်း ဒရိုင်း လည်ဒေပဴင်ပ္လေဲဝ်လူည်ႇဟာဝ်း အီုင်ဂ္လံတ်ဆီုက် တေဲင်ကူန်ရဝ်မာဂါင်ဂဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists