တံပ်နာန်းပ်ုန်လောတ်ခြိူဝ်းတအာင်း-TNLAဂဲ ရေဲန်ပ္လေါည်ပ္လိုတ်ႎါင်ပနောပ္လံက်တံင်ဇူႈ ဇီုင်းကာန်ဆီုက် တားချှာင်ဇီုင်းကာန်ဆီုက် (GSO) ခူန်အွံရ်ချု တားနောရိူန်း ကာည်း ဂေါပ်တားချှာင်ဇီုင်းကာန် (2) ခူန်အွံရ်ဒါင်း တားပါင်လ ဟိုက်ရောတ်
12 December 2025
တံပ်နာန်းပ်ုန်လောတ်ခြိူဝ်းတအာင်း-TNLAဂဲ ရေဲန်ပ္လေါည်ပ္လိုတ်ႎါင်ပနောပ္လံက်တံင်ဇူႈ ဇီုင်းကာန်ဆီုက် တားချှာင်ဇီုင်းကာန်ဆီုက် (GSO) ခူန်အွံရ်ချု တားနောရိူန်း ကာည်း ဂေါပ်တားချှာင်ဇီုင်းကာန် (2) ခူန်အွံရ်ဒါင်း တားပါင်လ ဟိုက်ရောတ်
အိုမ်ယ်ုရ်၊ ကျံရ်ကိူရ်အာရ်၊ ဆငည်း11
ဆဒါင်ကုင်တအာင်း
တံပ်နာန်းပ်ုန်လောတ်ခြိူဝ်းတအာင်း-TNLAဂဲ ရေဲန်ပ္လေါည်ပ္လိုတ်ႎါင်ပနောပ္လံက်တံင်ဇူႈ ဇီုင်းကာန်ဆီုက် လိူဝ်ႈ(68) ကျံရ်ကိူရ်အာရ်၊ ဆငည်း( 5 ) ခေဲင်ပ္လေါည်ပ္လိုတ်ဓါင်ပနောဒီန် ခူန်အွံရ်ချု တားနောရိူန်း ကာည်း ခူန်အွံရ်ဒါင်း တားပါင်လ ဟိုက်ရောတ် က္လာင်းကြောႈတံမ်း။
ခေဲင်ပ္လေါည်ပ္လိုတ်ႎါင်ပနောဒီန် တံပ်နာန်းပ်ုန်လောတ်ခြိူဝ်းတအာင်း-TNLA ခူန်အွံရ်ချု တားနောရိူန်း က္လာင်းကြောႈတံမ်း က္လာင်းဒါႈဘည်ပျိူဝ်ယိူဝ်ႇဒေဲႈ တံပ်အွံရ်ပ်ုန်လောတ်ကပီုန်တအာင်း-PSLF/TNLA ဆာ်အယ်ဝီရ်ငိူပ်မေန်း ခေဲင်(1963)ဆန်ုမ်နီး ဟောည်ႇနိုက် (63)ဆန်ုမ်ယာ့်။ ကောန်ဆီုက်ကဲ အီးလေႈဓါင်ပနောနီး ဒီရောတ်အယ်ထာမ်းဇီုင်းကာန်မာ် လိုထာမ်းဟာဝ်းကတီးကရီး လိုဒံန်ခြဲဟာဝ်း ကူန်ရဝ်မာဂါင် ကာည်း ကုင်လှံင်ပ်ုန်ဘိူန်းအယ်တဆီမ်းအူန်းတောန်ကဒါႇ။
မိုႈဘို ဂေါပ်တားချှာင်ဇီုင်းကာန်( 2 ) ခူန်အွံရ်ဒါင်း တားပါင်လ က္လာင်းကြောႈတာ်မ်း အာည်ႇနီး ခြိူဝ်းတအာင်းအယ် မိူဝ်ႈပ်ုန်ထီမ်းပ်ုန်ညဲ့အီး ခြိူဝ်းအယ် ၊ လှံင်အယ်၊ ဇံင်အယ် အာဝ်ဘိူန်းစီအူက၀်ဒံန်ခြဲ။ လိုကစုကပိုမ် ရေဲင်ဘ္လောမ်အယ် စီနှာင်းဘယ်ထိင်ဒံန်ခြဲဟာဝ်း ရာန်ဆူ( 5 )မျိုး ဂေါပ်ဘည်ဒီန် ဒီရောတ်အယ်ထာမ်းဇီုင်းကာန်မာ် လိုထာမ်းဟာဝ်းကတီးကရီး လိုဒံန်ခြဲဟာဝ်း ကူန်ရဝ်မာဂါင် ကာည်း ကုင်လှံင်ပ်ုန်ဘိူန်းအယ်တဆီမ်းအူန်းတောန်ကဒါႇ။
ႎါင်ပနောပ္လံက်တံင်ဇူႈ ဇီုင်းကာန်ဆီုက် လိူဝ်ႈ(68)နီး ခေဲင်ႎါပနောဒီန် ဒါင်းဒါင်းအ်ုန် ပနောဟာဝ်း လံပ်အရေးဆီုက် ကာည်း လံပ်တီုက်နာန်း လှေင် အိုည်ပကျံရ် ထာန်ဂေါည် ကောန်ဓါင်ပနောဂဲ ကစုကပိုမ် ( 543)အီးလေႈဟိုက်ရောတ်အောႏ။
ပ်ုန်ဟောည်ႇဒေဲႈ ဓါင်ပနောဇီုင်းကာန်ဆီုက်နီး ကောန်ႎါင်ပနော (543)အီးကဲဒီန်း ကကာႈဟာဝ်း ခေဲင်ဌာန တြားဥပဒေ၊ တီုင်တံပ်ဒါင်း / တီုင်တံပ်၊ တီုင်လူမ်ဒါင်း ကာည်း လူမ်တီုင်အွံရ်ဆီုက်။ ခေဲင်ဓါင်ပနောဇီုင်းကာန်ဆီုက်ဒီန် ဒဲႈဟာဝ်းဆုတကဲ အီးလှဲမ်ဘေဲႇ၊ အီးလှဲမ်ပဴင်ဆနာတ် ကာည်း လှဲမ်ရာ်ႈဆနာတ် ကဲနီးအောႏ။
ဘံန်ဟောည်ႇဒေဲႈ ကျံရ်တောရ် ရေဲန်ပ္လေါည်ပ္လိုတ်ႎါင်ပနောပ္လံက်တံင်ဇူႈ ဇီုင်းကာန်ဆီုက် လိူဝ်ႈ( 67 ) ဘယ်ပြိူဝ်;လေႈ ကောန်ႎါင်ပနော ဂေါည်(822)အီးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists