ပလှံံင်မိူင်ယု (105)လှာ့် ကားတာင်ခါည်ႇအူကြောင် ပဲန်ကပ္လါႇကူန်ရဝ်မာဂါင် (2)အီးယံမ်း ၊ (9)အီးကတူႈဘာတ်
17 December 2025
ပလှံံင်မိူင်ယု (105)လှာ့် ကားတာင်ခါည်ႇအူကြောင် ပဲန်ကပ္လါႇကူန်ရဝ်မာဂါင် (2)အီးယံမ်း ၊ (9)အီးကတူႈဘာတ်
မူစယ်၊ ကျံရ်ကိူရ်အာရ် ဆငည်(17)
ဆဒါင်ကုင်တအာင်း
ကုင်တအာင်း၊ အိူင်အေဲမ်ခြီရ်၊ လှံင်မူစယ်၊ ပလှံံင်မိူင်ယု (105)လှာ့် ကားတာင်ခါည်,အူကြောင် ပဲန်ကပ္လါႇ ကူန်ရဝ်မာဂါင် (2)အီးယံမ်း ၊ (9)အီးကတူႈဘာတ်။
ဘည်မိုႈအ်ုန် ကျံရ်ကိူရ်အာရ် ဆငည်း(14) အခိင်ရဆံန် (2:30)မနေဲတ်ဒိူန် ကညာအီကောႈဒေဲႈကားတာင်ခါည်ႇ ကိုရဲမီင်းဖျိုး အဆာက်(32)ဆန်ုမ်ဒီန် အခိင်ပေါရောတ်တခီတ် ဘဝ်ကီုတ့်ဒါင်း (3)စူမ်း ဂေါဘရေဲတ်ကားအ်ုန်ပဒူႈ ပဲန်ကားကပ္လါႇဟာဝ်းကာဘည်ဒီန်။
ဂေါႇကားပဲန်ကပ္လါဘည်ဒီန် ငျားဒေဒူႈဟာဝ်း ကားတာင်တိုအီး အီဇံင်းတပြောစဲတ်ဂီီတ်် အီမို; ယာတီန်ဆိုးဟော်မ် ကာည်း ယာဟိုင်ဆိုင် ယံမ်းဟာဝ်းပွံတ်၊ ကောန်အီပ်ုန်အူအီး၊ ကောန်အီမာည်း (8)အီး ကတူႈဘာတ်ဟာဝ်း။
ဒီပဲန်ကားကပ္လါႇဒီန် ဘဝ်ကီုက်ဒါင်း (3)စူမ်းဂဲ စဲတ်ဆေးတိုည်းအူး နှာင်းတိူဝ်ႈဟာဝ်းအရေး ကောန်အီမာည်းဒီန်။
ဆဲႈဒီန် ဆာ်မိုႈ အီကတူႈဖေးဘာတ်းကဲဒိူန် အီဂေါည်ပလှံင်မိူင်ယု(105) ဖုင်ပရဟိတအီကဇောည်ဂဲ ကဇောည်တိုန်းဟာဝ်းဆနံမ်း ပဂါင်ဆနံမ်။
ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(9)ဒိူန် ပလှံင်အိုမ်ယ်ုရ် ကားအူကြောင်ဒီန် ဂေါႇဘရေဲတ်ကားပဒူႈ စီငျားလီပ်ဒူႈဟာဝ်း ဂါင်အူဂါင် ကောန်အီပ်ုန်အူအီ ကတူႈဖေးဘာတ်။
#PSLF/TNLA
#တီုင်ပ္လေႈလေႈဆဒါင်
Comment Lists