ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(3)အီးကာည်း တိုအီးဒါ(1)အီး ပလှံင်မိူင်လိုင်ကာည်း လှံင်ကုင်ငှေါ
26 December 2025
ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(3)အီးကာည်း တိုအီးဒါ(1)အီး ပလှံင်မိူင်လိုင်ကာည်း လှံင်ကုင်ငှေါ
မိူင်လိုင်၊ ကိူရ်အာရ် ဆငည်း(26)
ဆဒါင်ကုင်တအာင်း
အခိင်ဖုင်ပလိက်ကုင်တအာင်း ရေဲန်ဇီုင်းကာန်လံပ်ကတ်ုမ် ခေဲင်အရာပ်အရာကာည်း လံပ်ဘ္လီုက်တြားဥပဒေ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(3)အီးကာည်း တိုအီးဒါ(1)အီး ပလှံင်မိူင်လိုင်ကာည်း လှံင်ကုင်ငှေါ၊ ခေဲင်ကုင်တအာင်းအောႏ။
ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(23) အခိင်ရဆံန်(2:40)မိနေတ်ဒိူန် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး ခနားရဝ်ညောင်ထာ့်ကာည်း ရဝ်နာဆီးဒိူန် ဘိူန်းတိုည်းတိုအီးဒါခံင်ယိူည်ႇ တာသာလေး အဆာက်ဘိူန်း(30)ဆန်ုမ် ကဂေါပ်တောပ် ကအာင်ဆနံမ်းယာမ(31)ကအာင်။
အခိင်ဖုင်ပလိက်ကုင်တအာင်း ဆီုပ်ဒေစေတ်ဆေးဒိူန် အ်ုန်က္လာင်းဒါႈ ကအာင်ဆနံမ်းကဲနီး အ်ုန်ဇိူရ်ႈဒေဲႈ တတာဆံန်စာ အဆာက်ဘိူန်း(57)ဆန်ုမ် ဂေါည်ပရဝ်ညောင်ထာ့်။ ႎါည်ဒီန် ဖုင်ပလိက်ကုင်တအာင်းကဲ စီဟာဝ်းစေတ်ဆေးပဂါင်ဂေါည် တာဆံန်စာ ယိူဝ်းကဂေါပ်တောပ် ဂြိုခြီုင်ခံင်ယိူည်ႇ ပ်ုန်ဒါညွံတ်ခံင်ယိူည်ႇကဲနီန်။
ဘည်က္လာင်းလေႈ ပ်ုန်ဘိူန်းတိုည်းဒီန်ဒါႈ အ်ုန်မိုႈတိုအီးယံင်းအူကဝ် ဖုင်ပလိက်ကုင်တအာင်းဘိူန်းတိုည်း တယာနန်းအီငယ် အဆာက်ဘိူန်း(37)ဆန်ုမ် ကဂေါပ်တောပ် ကအာင်ဆနံမ်းယာမ(180)ကအာင် ကာည်း ဖိင်လူည်းကဲနီန်။
မိုႈဘိုး ပလှံင်ကုင်ငှေါ၊ ပကပုရဝ်နံမ်မာန် ဘံန်ဟောည်ႇဒေဲႈ ကျံရ်ကိူရ်အာရ် ဆငည်း(18)ဒိူန် အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေးဒိူန် ဘိူန်းတိုည်းကဝ်အီဇီုဝ် မျာတ်ဆုအံင် အဆာက်ဘိူန်း(25)ဆန်ုမ် ကဂေါပ်တောပ်ကအာင်ဆနံမ်းယာမ(70)ကအာင် ကာည်း ဖိင်လူည်းဟံပ်ခေဲင်ကဘဲဝ်(1)ဘဲဝ်။
ပ်ုန်ဖုင်ပလိက်ကုင်တအာင်း ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇကဲဒီန် တံပ်အွံရ်ပ်ုန်လောတ် ကပီုန်တအာင်း-PSLF/TNLA နှာင်းတိူဝ်ႈလာည်းဟာဝ်းအရေး တောပ်လိူည်ဘည်ဥပဒေ တီုက်ယာႈအရေးခံင်ယိူည်ႇ၊ ဆာ်မိုႈ တိုအီးဒါခံင်ယိူည်ႇဒီန် နှာင်းတိုန်းဒဲႈကဲ ဘြဲဆားအကျံင် ပဂါင်ဆပဲဆငါးအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists