ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ (6)အီး ပလှံင်အေဲမ်ငူည်
09 March 2026
ဖုင်ပလိက်ကုင်တအာင်း ဘိူန်းတိုည်းတိုအီးဒါခံင်ယိူည်ႇ (6)အီး ပလှံင်အေဲမ်ငူည်
အေဲမ်ငူည်၊ ကျံရ်အိုည်၊ ဆငည်း(9)
ဆဒါင်ကုင်တအာင်း
အခိင်ဖုင်ပလိက်ကုင်တအာင်း ရေဲန်ဇီုင်းကာန်တီုက်ယာႈအရေးခံင်ယိူည်ႇဒိူန် ဘိူန်းတိုည်းတိုအီးဒါခံင်ယိူည်ႇ အီပ်ုန်(1)အီးကာည်း အီမာည်း(5)အီး ပလှံင်အေဲမ်ငူည်၊ အိူင်အေဲမ်ခြီရ်၊ ခေဲင်ကုင်တအာင်းအောႏ။
ကျံရ်အိုည် ဆငည်း(5) အခိင်စူန်အံပ်(4:20)မိနေတ်ဒိူန် အခိင်ဖုင်ပလိက်ကုင်လှံင် ရေဲန်ဇီုင်းကာန်စေတ်ဆေး ခေဲင်လှံင်အေဲငူည်ဒိူန် ဘိူန်းတိုည်း ယာမာထု အဆာက်(55)ဆန်ုမ် ကဂေါပ်တောပ် ဖိင်လူည်းဟံပ်ခေဲင်ကဘဲဝ် ပီန်နီဆီလီန်(Penicillin)အူကဒည် ၊ တာညံမ်းစောည် အဆာက်(34)ဆန်ုမ် ကဂေါပ်တောပ် ဖိင်လူည်းခေဲင်ကဘဲဝ်ဒဲႇအူကဘဲဝ်၊ တာအဆိုည် အဆာက်(45)ဆန်ုမ် ကဂေါပ်တောပ် ဂြိုခြီုင်ကဆီုဝ်ကဆဲင် တခံင်ယိူည်ႇ ကာည်း ႎှုင်(1)ပိုင်း။
ဆဲႈဒါႇဒီန် ကျံရ်အိုည် ဆငည်း(4)ဒိူန်မာ် အခိင်ဖုင်ပလိက်လှံင်အေဲမ်ငူည် ရေဲန်ဇီုင်းကာန်တီုက်ယာႈခံင်ယိူည်ႇ တဒေင်ကကာႈ ပရဝ်ပါင်ဆပေဒိူန် ဘိူန်းတိုည်း တာအယီ အဆာက်(46)ဆန်ုမ်၊ တာနာည်မူန်း အဆာက်(42)ဆန်ုမ် ကာည်း တာညီပေ အဆာက်(36)ဆန်ုမ် ကဂေါပ်တောပ် ဂြိုခြီုင်အီကဆီုဝ်ကဆဲင် တခံင်ယိူည်ႇ၊ ႎှုင်(3)ပိုင်း ကာည်း ရိူန်း(270,000)ဆဲန်ဘျာအောႏ။
တိုအီးဒါခံင်ယိူည်ႇကဲနီန် ဖုင်ပလိက်ကုင်တအာင်း တိုည်းထိင်အူန်းဂဲ နံင်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေတီုက်ယာႈအရေးခံင်ယိူည်ႇ။
မိုႈဘိုး ဘံန်ဟောည်ႇဒေဲႈ ကျံရ်အာရ်ဒိူန်မာ် အခိင်ဖုင်ပလိက်ကုင်တအာင်း ရေဲန်ဇီုင်းကာန် တီုက်ယာႈအရေးခံင်ယိူည်ႇ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(3)အီး ကာည်း တိုအီးဒါခံင်ယိူည်ႇ (5)အီး ပလှံင်အေဲမ်ခြီရ်၊ မူစဲ ကာည်း မိူင်လိုင်၊ ခေဲင်ကုင်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists