၂၀၂၄ ခုနှစ်၊ ဇန်နဝါရီလ (၁၁) ရက်နေ့တွင် တရုတ်ပြည်သူ့သမ္မတနိုင်ငံ၏ ကြားဝင်စေ့စပ်မှုနှင့် ကမကထပြုမှုတို့ကြောင့် ရရှိခဲ့သော "ဟိုင်ဂင် သဘောတူညီမှု” သည် ယနေ့ဆိုလျှင် တစ်ပတ်တိတိပြည့်ခဲ့ပြီဖြစ်သကဲ့သို့ မိမိတို့ ညီနောင်မဟာမိတ် (၃) ဖွဲ့၏ ၁၀၂၇ စစ်ဆင်ရေးသည်လည်း (၈၄) ရက်မြောက်နေ့သို့ ရောက်ရှိလာခဲ့ပြီဖြစ်သည်။ 

၁၀၂၇ စစ်ဆင်ရေးကြီးကို ညီနောင်မဟာမိတ် (၃) ဖွဲ့မှ ရှမ်းမြောက်ဒေသအတွင်းစတင်ခဲ့ပြီး စစ်ဆင်ရေးအရှိန်အဟုန်သည် ယခင်ရှိနှင့်ပြီးသော တော်လှန်ရေးနယ်မြေများတွင် ကူးစက်ခဲ့ပြီးဖြစ်သည်။ ဟိုင်ဂင်ဆွေးနွေးပွဲတတိယအကြိမ် အပြီးတွင် နှစ်ဖက်သဘောတူညီမှုအချို့ ရရှိခဲ့ပြီးနောက် ရှမ်းမြောက်ရှိ ကိုးကန့်နှင့် တအာင်းဒေသအချို့တွင် နှစ်ဖက်တိုက်ပွဲများ သိသာစွာလျော့ကျသွားခဲ့သည်မှာ အမှန်ပင်ဖြစ်သော်လည်း စစ်ကောင်စီဘက်မှ အရပ်သား၊ ရပ်ရွာများအား လေကြောင်း၊ လက်နက်ကြီးများဖြင့် ပစ်ခတ်တိုက်ခိုက်မှုများမှာ ၁၀၂၇ စစ်ဆင်ရေး (၈၃) ရက်မြောက်နေ့သို့ ရောက်ရှိလာခဲ့သည့်တိုင်အောင် ဆက်၍ရှိနေဆဲဖြစ်သည်။

ညီနောင်မဟာမိတ် (၃) ဖွဲ့သည် ၁၀၂၇ စစ်ဆင်ရေးကြီးနှင့်အတူ မိမိတို့ ထုတ်ပြန်ထားပြီးဖြစ်သော စစ်ရေး၊ နိုင်ငံရေး ရည်မှန်းချက်များအတိုင်း ဆက်လက်အကောင်အထည်‌ဖော်လျက်ရှိသည်။ 

ရှမ်းမြောက်ဒေသမှစ၍ ဆင်နွှဲခဲ့သည့် ညီနောင်မဟာမိတ် (၃) ဖွဲ့၏ စစ်ဆင်ရေးသည် ယနေ့ဆိုလျှင် နှစ်လကျော်ကာလသို့ ရောက်ရှိလာပြီဖြစ်သည်။ နှစ်လကျော်ကာလအတွင်း မိမိတို့ ကြိုးစားအားထုတ်မှုနှင့်အညီ ထိုက်တန်သည့် စစ်ရေး၊ နိုင်ငံရေးရည်မှန်းချက်အချို့ကို ရယူနိုင်ခဲ့ပြီး သိမ်းပိုက်ရယူထားခဲ့သည့် နယ်မြေများ၌ မိမိတို့၏ အုပ်ချုပ်စီမံရေးယန္တရားများ သက်ဝင်လည်ပတ်အောင် ဆက်လက်ဆောင်ရွက်လျက်ရှိသည်။ 

ညီနောင် (၃) ဖွဲ့ထဲမှ ကိုးကန့်နှင့် တအာင်းဒေသများ၌ စစ်ကောင်စီယန္တရားများတွင် မိမိတို့အုပ်ချုပ်စီမံရေးယန္တရားများဖြင့် အစားထိုးလည်ပတ်ရန် ကြိုးစားနေသော်လည်း ရက္ခိုင်ဒေသအတွင်း၌မူ တိုက်ပွဲများဆက်လက်ပြင်းထန်နေခဲ့သည်။ အထူးသဖြင့်  စစ်ကောင်စီသည် ရမ်းဗြဲမြို့တစ်မြို့လုံးအား ပျက်စီးသွားစေရန်ရည်ရွယ်ချက်ဖြင့် လေကြောင်းမှ ဗုံးကြဲ တိုက်ခိုက်မှုများကို ယမန်ရက်ကနည်းတူ ပြုလုပ်ခဲ့သည်။ ထို့ကြောင့် လူနေအိမ်အချို့မှာ မီးလောင်ပျက်စီးမှုရှိခဲ့သည်။

ရက်ပေါင်း (၈၀) သို့ ရောက်ရှိလာသည့် မိမိတို့ညီနောင် (၃) ဖွဲ့၏ ၁၀၂၇ စစ်ဆင်ရေးအတွင်း သိမ်းပိုက်ရယူထားသည့် ရှမ်းမြောက်နယ်မြေဒေသများတွင် လတ်တလောစစ်ရေးအခြေအနေအရ စစ်ကောင်စီနှင့် ထိတွေ့တိုက်ပွဲများ ရှိမနေသော်လည်း ရန်သူ၏ အရပ်သားပြည်သူများနှင့် မြို့၊ ရပ်ရွာများအား ပစ်မှတ်ထားတိုက်ခိုက်နေမှုများမှာ ထူးမခြားနား ဆက်လက်ရှိနေခဲ့သည်။ 

ညီနောင်မဟာမိတ် (၃) ဖွဲ့၏ ၁၀၂၇ စစ်ဆင်ရေးအရှိန်သည် တစ်ရက်ပြီးတစ်ရက် မြင့်တက်လျက်ရှိသည်။ သို့သော်လည်း ရှမ်းမြောက်ဒေသအတွင်း မိမိတို့နှင့် စစ်ကောင်စီအကြား ဖြစ်ပွားလျက်ရှိသော တိုက်ပွဲများကို ရပ်တန့်စေရမည့် အပစ်အခတ်ရပ်စဲရေးကို  ရှောင်လွှဲမရသည့်အနေအထားအောက်တွင် ပြုလုပ်ခဲ့ရသည်။ ယနေ့တွင်လည်း စစ်ကောင်စီဘက်မှ ယခင်ရက်များနည်းတူ ထိုးစစ်ဆင်တိုက်ခိုက်မှုများနှင့် လက်နက်ကြီးများဖြင့် ပစ်ခတ်တိုက်ခိုက်နေမှုများကို ဆက်လက်ပြုလုပ်နေသောကြောင့် တိုက်ပွဲများမှာ ဆက်လက်ရှိနေခဲ့သည်။

ယနေ့သည် မိမိတို့စစ်ဆင်ရေးကြီး၏ (၇၈) ရက်မြောက်နေ့ဖြစ်သကဲ့သို့ ညီနောင် (၃) ဖွဲ့ထဲမှ ပလောင်ပြည်နယ် လွတ်မြောက်ရေးတပ်ဦး/တအာင်းအမျိုးသားလွတ်မြောက်ရေးတပ်မတော် (PSLF/TNLA) ၏ (၆၁) နှစ်မြောက် တအာင်း အမျိုးသားတော်လှန်ရေးနေ့ထူးနေ့မြတ်လည်းဖြစ်သည်။ 

မိမိတို့ညီနောင်မဟာမိတ် (၃) ဖွဲ့၏ နယ်မြေများတွင် ယနေ့၌ နှစ်ဘက်ရင်ဆိုင်တိုက်ပွဲ၊ ထိုးစစ်များမရှိခဲ့သော်လည်း တအာင်းနှင့် ရက္ခိုင်ဒေသများ၌မူ စစ်ကောင်စီဘက်မှ လက်နက်ကြီးနှင့် လေကြောင်းပစ်ခတ် တိုက်ခိုက်မှုများမှာ ယခင် ရက်များနည်းတူ အပြောင်းအလဲမရှိ ဆက်လက်ရှိနေခဲ့သည်။