ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ကုင်တအာင်း၊ ခေဲင်ကျံရ်ပူရ်နီန်း ဖုင်ကလိက်ကုင်တအာင်းဂဲ ဘိူန်းတိုည်း တိုအီးကဇိူရ်ႈကယံင်းခံင်ယိူည်ႇ(3)အီး ကာည်း အီဒါ(16)အီး ပလှံင်ရူကော၊ လှံင်အေဲမ်ခြီရ်၊ လှံင်မိူင်းလိုင် ကာည်း လှံင်အိုမ်ယ်ုရ်။
ခေဲင်ကျံရ်ပူရ်နီန်၊ ကော်ဆံရ်တီုင်ခေါခါႇကုင်တအာင်းဂဲ လေႈဒေင် တိူဝ်ႈမေန်းခေါခါႇ ကာည်း ရေဲန်ဇီုင်းကာန်ဒံန်ခြဲခေါခါႇ ကနာည်နှာင်းပ်ုန်ဒေဲႈတောန်မျိုး တမာကောန်ဒဲႇ ကာည်း တကောန်ဒဲႇအဆာက်(2)ဆန်ုမ်၊ မာကောန်ဒဲႇအီဒဲႈဘူ ပရဝ်(9)ရဝ် ခေဲင်ကုင်တအာင်း။
တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာန ကောန်အီပ်ုန်ဟြေဲႈဒါင်းဟိုက်ဇာရ်ဂဲ ခေဲင်ကျံရ်ပူရ်နီန် ဘယ်လေႈဒေင် ဒဲႈလော်င်ပိင်ငျာ လောင်အခွါင်းအရေးကောန်အီပ်ုန်၊ လံပ်ခေါခါႇ ကာည်း လောင်ရဟောမ်ရမာ ခေဲင်လှံင်(7)လှံင်၊ ရဝ်(44)ရဝ် ကာည်း ကစုကပိုမ် ကူန်ရဝ်မာဂါင်ဂဲ (2,991)အီးအောႏ။
ကယေင်ႎိူဝ်ႈႎါင်ပနောဒီန်ကနာည်မာ်ကာပ်ဘယ်ပနောဟာဝ်းကတီးကရီးဒါဘေဲႇတအာင်း ၊ ကနာည်ဘေဲႇလူမ်တအာင်းကတာႈဒါင်းဇာရ်၊ ပဇာရ်စဝ်ဒါင်းကဲ ဆမားဟောတြားဓမ္မကဒါႇတအာင်း၊ မော်ကာပ်ဘယ်ကပ္လါႇဘေဲႇတြားကဒါႇတအာင်း အောႏ။
ပ်ုန်ဒီရ်;ဂီုန်း
