ဘည်မိုႈဘည်ဘာည်းအ်ုန် ကျံရ်တီမ် ဆငည်း(4) အခိင်ရဆံန်(12:59)မိနေတ်ဒိူန် တာမော်ကွင်းနောင် ကားတာင်အိုမ်ပျြံင်စာက် ဇူႈကဒါႇနံမ်ဖတ်ကာ ဟာဝ်းကဒါႇ လှံင်အေဲမ်ခြီရ် အခိင်ရောတ်ပရဝ်(12)လှာ့် တေဲင်ဒေင်ဒါင်း ကားစီလူလှဲဝ်ႏ ကဝ်အီမိုႈ မာည်းညီတာန်းဆျှိုည် ဒါႈနံင်တီုတ်ႇဒဲႈ ကားတာမော်ကွင်းနောင် က္လေင်ကားကထူတ်ဝီရ်နှာဘံန်း စီကပ္လါႇဇောႈလီပ်ခေဲင် ဂါင်(2)ဂါင် ပဲန်ငံရ်က္လိုဟာဝ်းဘည်ဒီန်။

ႎါင်ပနောဒီန် ကောန်အီမာည်းဂေါည်(8)အီး ကာည်း ကောန်အီပ်ုန်ဂေါည်(24)အီး၊ ကစုကပိုမ် ဂေါည်(32)အီး။ အီဟိုက်‌ဟောည်ႇဟာဝ်း ႎါင်ပနော ပဲန်ဆြာ ဘေဲႇတအာင်း (TOT) လိူဝ်ႈ(5)နီန် ဖုင်ဘေဲႇတအာင်း-TLAဂဲ စီအာပ်ဒဲႈပ္လါႇဘေဲႇလှိုပ်ဂုင် (Certificates)တဂဲ။ ပ္လေါည်ပ္လိုတ်ႎါင်ပနောဒီန် တာဆြာ/ယာဆြာ၊ ကောန်ကျောင် ကာည်း ကူန်ရဝ်မာဂါင်ဂဲ ဂေါည်(100)အီး ဟိုက်ရောတ်ဒေဲႈ။

ကောန်အီပ်ုန်ဒီန် ခည်မိုႈ ကျံရ််တာရ် ဆငည်း(14)ဒိူန် ယာမ်ကညားဂါင် ယာမျထိုည်း ဟာဝ်းရေဲန်ဇီုင်း အ်ုန်စီလီပ်ဒေဲႈပလိုႈရဘံန်ဂါင် လီပ်ဆောက်ဘြားခေဲင်ဂါင် တိူဝ်ႈဟာဝ်း ရိူန်း တာရ်ကိူရ်ဆဲန်ဘျာ၊ ရိူန်းခယ်(2)မှီုန်၊ကျိုင်းတည်း (6)လှေ၊ ဆိက်ကနူး(2)လှေ၊ ခြီရ်ဓံရ်ငေါႇ ကာည်း ရနဲမ်ကိင်(1)လှေကဲနီန်။

ကျံရ်တီမ် ဆငည်း(3) အခိင် ရဆံန်(1:38)မနေဲတ်ဒိူန် ဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ဟာဝ်း ပ္လေဘျုင် ပလှံင်ဆဘော ရဝ်ဘော်ကျို ။ ဂေါႇပ္လေဘျုင် ပဴင်ဆီုက်ဘြာန်ဂဲ လံက်ဟာဝ်း တားမံင်ဆော် အဆာက်(45)ဆန်ုမ် ငျားဆိက်ပ္လေဘျုင်လံက် ကတူႈဖေးဘာတ်၊ ဂါင်(3)ဂါင် လူလှဲဝ်ႏ။