တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ပလိက်ကုင်တအာင်း ရေဲန်ဟောည်ဟာဝ်း ပ္လေါည်ပ္လိုတ်ႎါင်ပနောဖီုက်လျှံင် အီအွံရ်တံပ်လိူဝ်ႈ(2)ကာည်း ဇီုင်းကာန်လူမ် ခည်မို ကျံရ်ကိူရ်အာရ် ဆငည်း(15) အခိင်ခီညှာ(9:00)နြီရောတ် ရဆံန်(12:00)နြီဒိူန်အောႏ။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ဆီုက်ဘြာန်ဂဲ ဒါထမေန် ကာည်း လီလာပဴင်ပ္လေဒါင်း လံက်ဟာဝ်း တိုအီရဝ်(2)အီးယံမ်း ပဲန်ငံရ်ကဆူမ်ဟာဝ်း အိုမ်ပျြံင်စာက်ပ်ုန်ချံင်အူန်းအောႏ။
ကုင်တအာင်း၊ အိူင်အိုမ်ယ်ုရ်၊ လှံင်မာဝ်းႎံင်း အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါထမေန် ကာည်း ပ္လေဘျုင် လီလာပဴင်ဟာဝ်း ကဒါ,ရဝ်ဟူကွတ် လံက်စဝ်ဆာင်(၁)ပါးကတူႈဖေးဆဝ်းဒါင်းအောႏ။
ကုင်တအာင်း ၊ အိူင်အိုမ်ယ်ုရ် ၊ ပလှံင်အိုမ်ယ်ုရ်၊ ဆီုက်ဘြာန်ဂဲ ဒါဂျက်ဖိုက်တာ ရောတ်ဒေဲ;လီလာပဴင် ပ္လေဒါင်း ပလှံင်အိုမ်ယ်ုရ်အောႏ။
ကုင်တအာင်း၊ အိူင်အိုမ်ယ်ုရ်၊ ခေဲင်လှံင်အိုမ်ယ်ုရ် ခည်မိုႈ ကျံရ်တာရ် ဆငည်း (12) အခိင်ရမှိူဝ်းဒိူန်း ဆီုက်ဘြာန်ဂဲ ကယေင် ပဴင်လိူည် ပ္လေဘျုင် ဒီဂေါည်ကူန်ရဝ်မာဂါင် ဂေါႇပ္လေဘျုင်ပဴင်ကဲ တိုအီးရဝ် (1)အီးယံမ်း ကာည်း (1)အီး ကတူႈဟာဝ်းဖေးဆဝ်းအောႏ။
ပ်ုန်ဒီရ်;ဂီုန်း
