01 September 2026

တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ဘေဲႇတအာင်း-TLAဂဲ ဆော်အွံရ် ရေဲန်ဟောည်ႇပ္လေါည် ဆငည်းဘေဲႇတအာင်း ကရောပ်နိုက်(54)ဆန်ုမ်

အေဲမ်ခြီရ်၊ ကျံရ်တီမ်၊ ဆငည်း 1

ဆဒါင်ကုင်တအာင်း

ခေဲင်ဆန်ုမ်နီး ပ္လေါည်ဆငည်းဘေဲႇတအာင်း  ခြိူဝ်းမျိုတအာင်းပဒိုဒိုည်,  ဒါအ်ုန်ပဲန်ဘေဲႇလူမ်/ကြောႈတအာင်းရိူဝ်ႈလေႈနှဲငိူပ် ဘည်ထိင်ခြဲအူန်း ထုင်မှိူမ်ဂြူခ်ြုမ်ကူန်မာအယ်ဂဲ။ တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်ဘေဲႇတအာင်း-TLAဂဲ ဆော်အွံရ် ရေဲန်ဟောည်ႇ ပ္လေါည်ဆငည်းဘေဲႇတအာင်း ကရောပ်နိုက်(54)ဆန်ုမ်အောႏ။

ခေဲင်ပါင်‌ပ္လေါည် ဆငည်းဘေဲႇတအာင်း ကရောပ်နိုက်(54)ဆန်ုမ်နီန် တံပ်အွံရ်ပ်ုန်လောတ်ကပီုန်တအာင်း- PSLF/TNLA တာမ်တားတီုင်အွံရ်(1) တာမ်ခူန်ချုဒါင်း ဇိုက်ဇာရ် က္လာင်းကြောႈတံမ်း ဒါႈ ခြိူဝ်းမျိုးတအာင်း လိုနံပ်ဘေဲႇတအာင်း ကာည်း လိုဆမားကြောႈတအာင်း။ ဘေဲႇတအာင်းနီန် ဆာ်အယ်ပနောအယ်နံပ် အယ်ဆာ်ဆမားကကျိူည်အီပဲန်ကာည်းအီကျ ထာန်မာ်ဘေဲႇတအာင်းနီန် မိူဝ်ႈတာန်းဖိုး ကာည်း ဘည်ဘ္လောမ်ဒဲႇအ်ုန်။ ဂေါႇဘည်ဒီန် ကဆီုဝ်ကောန်တဘိုတ်ယိူဝ်ႇဘာန်းဂဲ  လိုပနောဘေဲႇတအာင်း ကာည်း ထိင်ခြဲဟာဝ်း ထုင်မှိူမ်ဂြူခ်ြုမ်ကူန်မာအယ်ဂဲ။

ခေဲင်ရေဲန်ပ္လေါည်ဆငည်းဘေဲႇတအာင်း ကရောပ်နိုက်(54)ဆန်ုမ်နီး အီရောတ်ပေါဒေဲႈ ခေဲင်ပ္လေါည်နီး တံပ်အွံရ်ပ်ုန်လောတ်ကပီုန်တအာင်း- PSLF/TNLA တာမ်တားတီုင်အွံရ်(1) တာမ်ခူန်ချုဒါင်း ဇိုက်ဇာရ်၊ တားချှာင်ဇီုင်းကာန်တောန်နဲ ခူန်ချူ ဘုင်ကျော်၊ ဂေါပ်တားချှာင်ဇီုင်းကာန်တောန်နဲ(1) အိုမ်တမာဝ်း၊ စဝ်ဒါင်းတအာင်း၊ ကညားပိင်ငျာဘေဲႇတအာင်းဂဲ၊ ဖုင်ကော်မတီ၊ ဖုင်ပါတီ၊ ဖုင်နှာရိူဝ်ႇ ကာည်း ခူန် / ႎါင်ခူန်၊ ဖုင်ကော်မတီထုင်မှိူမ် ကာည်း ဘေဲႇဘာန်းတအာင်း ကောန်တဘိုက်ကဲ ကာည်း ကူန်ရဝ်မာဂါင်ဂဲ ‌ဂေါည်(600)အီးဟိုက်ရောတ်ဒေဲႈ။ 

ခေဲင်ပ္လေါည် ဆငည်းဘေဲႇတအာင်းနီး ဖုင်ဘေဲႇတအာင်းဂဲ  ကဘ္လာင်းဆာင်လာင်း ဘည်မိုႈဒေဲႈ ဆငည်းဘေဲႇဘာန်း၊ ဒီရ်ႈဟာဝ်း ပ္လါႇဘေဲႇလှိုပ်ဂုင် ပ်ုန်ရိူရ်ႈလေႈ PSLF/TNLA ကာည်း ဒဲႈဟာဝ်းဆု ပ်ုန်အီလီပ်ကခေ့ကတား လှိုပ်ဂုင်ဆငည်းဘေဲႇတအာင်းဒိူန်း ကဲအီဘိူန်းဆု ဘေဲႇကပါဝ်းဒိုင်း၊ ဘေဲႇကပ္လါႇ၊ ဘေဲႇကဆာ်မ်း၊ ဘေဲႇအပူမ်ကာည်း ကာတူန်း ကဲနီန် အာပ်ဒဲႈပ္လါ,ဘေဲ,လှိုပ်ဂုင်တကဲအောႏ။

ခေဲင်ဆန်ုမ်ဒီန် ကျံရ်တာရ်၊ ဆငည်း(30) ဘည်ရောတ်ဒေဲႈ ဆငည်းဘေဲႇတအာင်း ကရောမ်နိုက်လ(54)ဆန်ုမ်နီန် တိူဝ်ႈကနှဲလှိုပ်ဂုင် ခေဲင်ကုင်တအာင်း၊ လှံင်မူစဲ၊ လှံင်အေဲမ်ကိုက်၊ လှံင်လာဆေဝ်၊ လှံင်အိုမ်ငျံရ်၊ လှံင်ရူကော၊ လှံင်အိုမ်ယ်ုရ်၊ လှံင်အေဲမ်ငိူည်၊ လှံင်မိူင်းလိုင် ကာည်း လှံင်ကုင်ငေါှ။ ဆဲႈဒီန်အာဝ်ႎံန်း ကောန်တဘိုတ်တအာင်းဂဲ အီရောတ်ကုင်အီဟံရ်မာ် ရေဲန်ဟာဝ်းဆငည်းဘေဲႇတအာင်း။

ခေဲင်ကျံရ်တာရ်နီန်၊ ခေဲင်ကမိုန်ဒါင်းဘေဲႇတအာင်း ဆဖော ဘယ်ချပ္လေႈ ပ္လံက်တင်ဇူႈ(10)ချ ကနာည်ဘည်ဒါဟာဝ်းဘေဲႇတအာင်းကတာႈဒါင်းဇာရ်အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း