01 September 2026

ခေဲင်ကျံရ်တာရ်နီန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈ ဒေင်ရေဲန်ဇီုင်းကာန် ဒဲႈလောင်ပိင်ငျာ ပ်ုန်နံပ်ဆမား ခေဲင်ရဝ်(36)ရဝ်

အိုမ်ယ်ုရ်၊ ကျံရ်တီမ် ဆငည်း(1)

ဆဒါင်ကုင်တအာင်း

ဆန်ုမ်2026 ခေဲင်ကျံရ်တာရ်နီန် တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင်ရေဲန်ဇီုင်းကာန် ဒဲႈလောင်ပိင်ငျာပ်ုန်နံပ်ဆမား အခွါင်းအရေးလံပ်ကောန်အီပ်ုန်၊ လံပ်ခေါခါႇဘ္လူတ်ခြိူဝ်း ဒါင်းဇာရ်ကာည်း ဘည်ဇိုဇာတ်ရဟောမ်ရမာဟြေဲႈဒါင်းဇာရ်ကဲနီန် တကူန်ရဝ်မာဂါင်ဂဲ (1477)အီး ခေဲင်(36)ရဝ်၊ လှံင်(7)လှံင်၊ ခေဲင်ကုင်တအာင်း။

ပ်ုန်ဒဲႈလောင်ပိင်ငျာ ပ်ုန်နံပ်ဆမားနီန်း မိုႈ ပလှံင်အိုမ်ငျံရ် ရဝ်(2)ရဝ်၊ ပလှံင်အိုမ်ယ်ုရ် ရဝ်(3)ရဝ်၊ ပလှံင်တာန့်ယန့် ရဝ်(7) ရဝ်၊ ပလှံင်ရူကော ရဝ်(6)ရဝ်၊ ပလှံင်ကုင်ငှေါ ရဝ်(2)ရဝ် ၊ ပလှံင်အေဲမ်ခြီရ် ရဝ်(14)ရဝ်ကာည်း ပလှံင်အေဲမ်ငူည် ရဝ်(2)ရဝ်။

ခေဲင်လှံင်(7)လှံင်ကဲဒီန် ကူန်ရဝ်မာဂါင်ဂဲ ဂေါည်(1477)အီး ဟိုက်ရောတ်ဒေဲႈ၊ ကမိုန်က္လာင်းဟာဝ်းလောင်ပိင်ငျာ လံပ်အခွါင်းအရေးကောန်အီပ်ုန်၊ ဘည်ကောန်အီပ်ုန်ခံတ်ဇေဝ်း၊ ဘည်ပဲန်ရောဂါကဲန်ဆံရ်ဘူ၊ ဘည်ဘ္လူတ်ဟောမ်ဂြူကူန်မာ၊ လံပ်အ‌ရေးအခွါင်းကောန်ဒဲႇ၊ လံပ်ခေါခါႇကာည်း မာကောန်ဒဲႇဂေါည်တိုဇံန်၊ လံပ်ပိင်ငျာကာည်း ကောန်အီပ်ုန်၊ ဘည်ကောန်အီပ်ုန် နံင်ပျော်တခိူည်း ခေဲင်ရဟောမ်ရမာ၊ ဇီုင်းကာန်တီုက်ယာႈ အရေးခံင်ယိူည်ႇ၊ ဘည်ကယာင်ဟောမ်တေဲင် Online(ကျားဖြန့်)၊ ဘည်ပ္လေဲဝ်အခွါင်းအရေး ခေဲင်ဂါင်၊ လံပ်ခေါခါႇဘ္လူတ်ခြိူဝ်းဒါင်းဇာရ်ကာည်း အီကဆီုဝ်ကဆဲင်လံပ်ဘြောင်ရိူန်းခြီရ် တကောန်အီပ်ုန်ကဲနီန်။

ဘည်ကဆီုဝ် PSLF/TNLAတီုင်ကောန်အီပ်ုန်‌ဟြေဲႈဒါင်းဟိုက်ဇာရ်ဂဲ ဘ္လံက်လေႈ ရေဲန်ဟာဝ်းဇီုင်းကာန် မောကံပ်ဘယ်ပဇာရ်ထိင်ခြဲဒဲႈ ပ္လံက်တံင်ဇူႈအခွါင်းအရေး ကောန်အီပ်ုန်၊ လံပ်နဘာည်းတေဲင်ကောန်အီပ်ုန် နံင်ယောမ်ဟာဝ်း၊ ဖီုက်လျှံင်ဒဲႈပ်ုန်နံပ်ဆမားကောန်အီပ်ုန် ကာည်း ရေဲန်ဇီုင်းကာန် လံပ်ဆော်ဟိုရ်ဒဲႈ လောင်ပိင်ငျာ တကူန်ရဝ်မာဂါင်ဂဲ ၊ နံင်ကောန်အီပ်ုန်ဂဲ ဘယ်ဒေကပါ်ႇကပံန်ရိူန်းဒါယိူဝ်ႇ ဇီုင်းကာန်တဂါင်ကာည်း ဘည်လိုရေဲန်ဇီုင်းကာန်ဟျံင်ႎဲ့ကဲနီန်။

ဆဲႈဒါႇဒီန် ဘံန်ဟောည်ႇဒေဲႈ ကျံရ်ပူရ်ဒိူန်မာ် တီုင်ကောန်အီပ်ုန်ဟြေဲႈဒါင်းဟိုက်ဇာရ်ဂဲ ဘယ် လေႈဒေင် ဒဲႈဟာဝ်းလောင်ပိင်ငျာပ်ုန်နံပ်ဆမား တကူန်ရဝ်မာဂါင်ဂဲ ပလှံင်အိုမ်ငျံရ် ရဝ်(6)ရဝ်၊ ပလှံင်အိုမ်ယ်ုရ် ရဝ်(5)ရဝ်၊ ပလှံင်တာန့်ယန့် ရဝ်(3)ရဝ်၊ ပလှံင်ရူကော ရဝ်(9)ရဝ်၊ ပလှံင်ကုင်ငှေါ ရဝ်(4)ရဝ်၊ ပလှံင်အေဲမ်ခြီရ် ရဝ်(12)ရဝ်ကာည်း ပလှံင်အေဲမ်ငူည် ရဝ်(5)ရဝ် ကစုကပိုမ် ကူန်ရဝ်မာဂါင်ဂဲ (2991)အီး ဟိုက်ရောတ်ဒေဲႈအောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း