ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ငူည် ပ်ုန်ကယေင်မောကံပ် ကူန်ရဝ်မာဂါင်အယ်ဂဲ ႎီရ်ဘိူန်းဇိုဇာတ်ပြီမ်ဂဲ ပ်ုန်ဖုင်ပလိက်လှံင်ဂဲဘိူန်းတိုည်းထိင်အူန်း တိုအီးဒါခံင်ယိူည်ႇအီမာည်း(2)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ လှေင်(6)ကျံရ် ႎီရ်အာပ်ဒဲႈဟာဝ်း တရဟောမ်ရမာ။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ PSLF/TNLA တီုင်ဒံန်ခြဲတြားဥပဒေ အီဂေါည် လှံင်မာဝ်းဓံင်းဂဲ ဝိူဝ်ႈဟာဝ်းကျောင်ဆပယ်ဆငါး ဘြဲဆားဒဲႈအချံင် တိုအီးအီကဇိူရ်ႈကယံင်းဒါ ခံင်မဝ်း (320)အီးအောႏ။
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ ဇံင်ဘူတာ(5) တပြောကျောင်စဝ်ကတ်တီပီင်ဒီန် ယာမ်ကျံရ်(11) ဆငည်း(2) အခိင်ရမှိူဝ် (8)နြီဒိူန်း ဂေါႇဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေပ္လေႈ ပ္လေထာန်ဇံန်(500) ကာည်း ပ္လေဘျုင်(2)ပိုင်း ဂါင်ကူန်ရဝ်မာဂါင် လူလှဲဝ်ႏဟာဝ်းအောႏ။ ဂေါႇဆီုက်ဘြာန်ဂဲ ကယေင်ပဲင် ဒီဂေါည်ကူန်ရဝ်မာဂါင်ဂဲဘည်ဒီန် စီလံက်ဟာဝ်း ဂါင်(7)ဂါင် လူလှဲဝ်ႏဟာဝ်း အာဝ်းမိူဝ်ႈမလံက်တိုအီးအောႏ။
ပ်ုန်ဒီရ်;ဂီုန်း
