ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ကုင်တအာင်း ၊ အိူင်အိုမ်ယ်ုရ် ၊ ပလှံင်အိုမ်ယ်ုရ်၊ ဆီုက်ဘြာန်ဂဲ ဒါဂျက်ဖိုက်တာ ရောတ်ဒေဲ;လီလာပဴင် ပ္လေဒါင်း ပလှံင်အိုမ်ယ်ုရ်အောႏ။
ကုင်တအာင်း၊ အိူင်အိုမ်ယ်ုရ်၊ ခေဲင်လှံင်အိုမ်ယ်ုရ် ခည်မိုႈ ကျံရ်တာရ် ဆငည်း (12) အခိင်ရမှိူဝ်းဒိူန်း ဆီုက်ဘြာန်ဂဲ ကယေင် ပဴင်လိူည် ပ္လေဘျုင် ဒီဂေါည်ကူန်ရဝ်မာဂါင် ဂေါႇပ္လေဘျုင်ပဴင်ကဲ တိုအီးရဝ် (1)အီးယံမ်း ကာည်း (1)အီး ကတူႈဟာဝ်းဖေးဆဝ်းအောႏ။
ပလှံင်မိုဂူႈ လံပ်တီုက်နာန်း 1027 ဒေါန်(2) တံပ်အွံရ်ပ်ုန်လောတ်ကပီုန်တအာင်း PSLF/TNLA ကာည်း ဖုင်လံပ်တီုက်ဓှီုန်း ရေဲန်လံပ်တီုက်နာန်း ခေဲင်လှံင် PSLF/TNLA ဖုင်ဒံန်ခြဲတြားဥပဒေ စီဘိူန်းဒေတိုည်း တိုအီးကဇိူရ်ႈကယံင်းဒါခံင်မံဝ် (71)အီး ကာည်း အီလူည်ႇတာမ်အီုင်ဂ္လံတ် (129)အီးထာန်ဒီန်အောႏ။
PSLF/TNLA အီမိုႈ တားတီုင်အွံရ်ဘ္လံက်ချှာင်တြား၊ တားအိူင်ဘ္လံက်ချှာင်တြား၊ တားလှံင်ဘ္လံက်ချှာင်တြား အီဆာင်လာင်အမှုဂဲ ကဲရေဲန်ဟာဝ်း ပါင်ကမိုန် လောင်ကကာႈကဆာင်းဇီုင်းကာန်ကပ္လိုင် ကာည်း အာပ်ဒဲႈဟာဝ်းဘ္လံက်ချှံန် ဒီဘိူန်းဆီမ်း ခေဲင်ကုင်တအာင်းအူဒီအောႏ။
ပ်ုန်ဒီရ်;ဂီုန်း
