တအာင်းပြည်၊ တပ်မဟာ(၆) နယ်မြေ လားရှိုးမြို့တွင် MNDAA မှ လားရှိုးမြို့အခြေစိုက် အရှေ့မြောက်တိုင်းစစ်ဌာနချုပ်(ရမခ)အား သိမ်းပိုက်နိုင်ခဲ့ပြီဟုကြေညာပြီး ယမန်နေ့ဇူလိုင်လ (၂၅)ရက်နေ့တွင် စစ်ကောင်စီမှ လေကြောင်းတိုက်ခိုက်မှုကြောင့် အရပ်သား(၃)ဦးသေဆုံးကာ (၃)ဦးထိခိုက်ဒဏ်ရာရရှိခဲ့သည်။

PSLF/TNLA နှင့် မဟာမိတ်တပ်များက ၁၀၂၇ စစ်ဆင်ရေး အပိုင်း(၂)ကို ဇွန်လ (၂၅) ရက်နေ့တွင် စတင်ဆင်နွှဲခဲ့ပြီး ယနေ့ ဇူလိုင် (၂၅) ရက်နေ့သည် (၁) လပြည့်ခဲ့ပြီဖြစ်သည်။

ဇူလိုင်လ (၁၉)ရက်နေ့မှ (၂၂)ရက်နေ့အထိ (၄)ရက်အတွင်း စစ်ကောင်စီတပ်မှ လေကြောင်းနှင့် လက်နက်ကြီးပစ်ခတ်မှုကြောင့် အရပ်သား (၁၅) ဦးသေဆုံးပြီး (၅)ဦးဒဏ်ရာရရှိကာ နေအိမ်(၉)လုံး ထိခိုက်ပျက်စီးခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/ TNLA မှ ဇူလိုင် (၁၅)ရက်နေ့ ည(၁၂း၀၀)မှ ယနေ့(၁၈) ရက်နေ့ ည(၁၂း၀၀)အထိ တစ်ဖက်သတ်အပစ်ရန် ညွှန်ကြထားသည့် (၄)ရက်အတွင်း စစ်ကောင်စီတပ်မှ လေကြောင်းနှင့် လက်နက်ကြီး ပစ်ခတ်တိုက်ခိုက်မှုကြောင့် အရပ်သား (၁၈) ဦးသေဆုံးပြီး (၁၉) ဦးထိခိုက်ဒဏ်ရာရရှိခဲ့သည်။