ဒုတိယဗိုလ်ချုပ်ကြီး တားဂျုတ်ဂျား ဦးဆောင်သည့် ပလောင်ပြည်နယ်လွတ်မြောက်ရေးတပ်ဦး PSLF/TNLA၏ ကိုယ်စားလှယ်များနှင့် ကစထ(၁) မှူးဖြစ်သည့် ဒုတိယဗိုလ်ချုပ်ကြီး ကိုကိုဦး ဦးဆောင်သည့် စစ်ကောင်စီတပ်ကိုယ်စားလှယ်တို့သည် တရုတ်အစိုးရ၏စီစဉ်ချက်အရ ၂၀၂၅ ခုနှစ် ဖေဖော်ဝါရီလ ၁၆ နှင့် ၁၇ ရက်တို့တွင် တရုတ်နိုင်ငံ ယူနန်ပြည်နယ်၊ ကူမင်းမြို့ရှိ ဟိုင်ဂင်ဟော်တယ်တွင် တွေ့ဆုံဆွေးနွေးခဲ့ကြသည်။

တအာင်းပြည်၊ တပ်မဟာ(၅)နယ်မြေ၊ ကွတ်ခိုင်မြို့ သာယာကုန်းရပ်ကွက်ရှိ ရေချောင်းအနီးတွင် သေဆုံးနေသည့် အမျိုးသားတစ်ဦး၏ ရုပ်အလောင်းတွေ့ရှိခဲ့သည်။

တအာင်းပြည်၊ တပ်မဟာ (၅)နယ်မြေ၊ ကွတ်ခိုင်မြို့၊ ရပ်ကွက် (၁)တွင် တအာင်းပြည် ပညာရေးကောင်စီ (TLEC) အ.မ.က (၅)ကျောင်းတွင် ဖယောင်းတိုင်ထွန်းထားရာမှ စာသင်ကျောင်းမီးလောင်သွားခဲ့သည်။

ပလောင်ပြည်နယ်လွတ်မြောက်ရေးတပ်ဦး-PSLF/TNLA၏ ကိုယ်စားလှယ်များသည် တရုတ်အစိုးရ၏စီစဉ်ချက်အရ မြန်မာကိုယ်စားလှယ်များနှင့်တွေ့ဆုံရန်အတွက် ယနေ့ ၂၀၂၅ ခုနှစ် ဖေဖော်ဝါရီလ ၁၅ ရက်တွင် တရုတ်နိုင်ငံ ယူနန်ပြည်နယ်၊ ကူမင်းမြို့သို့ ရောက်ရှိနေပြီးဖြစ်ကြောင်း အသိပေးအပ်ပါသည်။

တအာင်းပြည်၊ တပ်မဟာ(၂)နယ်မြေ၊ မိုင်းငေါ့မြို့နယ် နမ့်တွေကျေးရွာတွင် Taang Literature Association- TLA အဖွဲ့မှ အခြေခံတအာင်းရုံးသုံးစာသင်တန်းဆင်းပွဲအခမ်းအနားကို ပြီးခဲ့သည့် ဖေဖော်ဝါရီလ ၁၀ ရက်တွင် ကျင်းပပြီးစီးခဲ့သည်။

တအာင်းပြည်၊ တပ်မဟာ(၂)နယ်မြေ၊ မိုးကုတ်မြို့တွင် စစ်ကောင်စီတပ်မှ လေ‌ကြောင်းဖြင့် ဗုံးအလုံး(၂၀)ခန့် ကြဲချတိုက်ခိုက်မှုကြောင့် ဒေသခံ (၅)ဦးသေဆုံးပြီး (၁၉)ဦး ထိခိုက်ဒဏ်ရာရရှိခဲ့သည်။

တအာင်းပြည်၊ တပ်မဟာ (၂)နယ် သီပေါမြို့တွင် အမျိုးသားတစ်ဦးမှ စစ်ကောင်စီတပ် ထောင်ထားခဲ့သည့်မိုင်းတစ်လုံးကောက်ယူဆော့မိရာမှ ပေါက်ကွဲမှုဖြစ်ပြီး ပွဲချင်းပြီးသေဆုံး၊ တစ်ဦးမိုင်းစထိမှန်ဒဏ်ရာပြင်းထန်မှုရရှိခဲ့သည်။

တအာင်းပြည်၊ တပ်မဟာ (၃)နယ်မြေ၊ မိုးမိတ်မြို့နယ်အတွင်း ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မြေယာနှင့် သစ်တောထိန်းသိမ်းကာကွယ်ရေးဌာနမှ ကန့်သတ်ကြိုးဝိုင်း (၅)ဝိုင်း သတ်မှတ်ခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော ခရိုင် (၅)ခရိုင်ဖြစ်သည့် ကျောက်မဲခရိုင်၊ မိုးကုတ်ခရိုင်၊ ကွတ်ခိုင်ခရိုင်၊ နမ့်ဆန်ခရိုင်နှင့် နမ့်ခမ်းခရိုင်တို့တွင် တရားဥပဒေစိုးမိုးရေးတပ်ဖွဲ့မှ တစ်လအတွင်း မူးယစ်ဆေးဝါးသုံးစွဲသူ (၁၂၆)ဦးနှင့် ရောင်းဝယ်သူ (၁၃)ဦး ဖမ်းဆီးနိုင်ခဲ့သည်။