တအာင်းပြည်၊ တပ်မဟာ (၉)နယ်မြေ၊ နမ့်ဆန်မြို့နယ်၊ အုမ်းစွမ်ကျေးရွာတွင် စစ်ကောင်စီတပ်မှ ဂျက်ဖိုက်တာဖြင့် ဗုံးလာရောက်ကြဲချတိုက်ခိုက်မှုကြောင့် အမျိုးသမီး (၁)ဦးသေဆုံးသွားခဲ့ပြီး ကလေးငယ်အပါအဝင် ပြည်သူလူထု (၅)ဦးထိမှန်ဒဏ်ရာရရှိခဲ့ပါသည်။

တအာင်းပြည်၊ တပ်မဟာ (၁)နယ်မြေ၊မိုင်းလုံမြို့နယ်တွင် စစ်ကောင်စီတပ်မှ ဂျက်ဖိုက်တာဖြင့် ပေါင်(၂၅၀)ဗုံး (၃)လုံး လာရောက်ကြဲချတိုက်ခိုက်မှုကြောင့် ပြည်သူလူထုနေအိမ် (၄)အိမ် ထိခိုက်ပျက်စီးသွားခဲ့သည်။

တအာင်းပြည်၊ တပ်မဟာ (၁)နယ်မြေ၊ တော့ဆန်ရွာမကျေးရွာတွင် စစ်ကောင်စီတပ် ဂျက်ဖိုက်တာဖြင့် ပေါင် (၂၅၀)ဗုံး (၂)လုံး လာရောက်ဗုံးကြဲတိုက်ခိုက်မှုကြောင့် နေအိမ် (၂)အိမ် ထိခိုက်ပျက်စီးသွားခဲ့သည်။

တအာင်းပြည်၊ တပ်မဟာ (၇)နယ်မြေ၊ ကွတ်ခိုင်ခရိုင်၊ ကွတ်ခိုင်မြို့နယ်တွင် တအာင်းပြည် မြို့နယ်ရဲတပ်ဖွဲ့မှ (၃)ရက်အတွင်း မူးယစ်ဆေးဝါးသုံးစွဲသူ အမျိုးသား (၅)ဦး ဖမ်းဆီးရမိခဲ့သည်။

တအာင်းပြည်၊ တပ်မဟာ (၆)နယ်မြေ၊ နမ့်ခမ်းခရိုင်၊ မိုင်းဝီးမြို့နယ်တွင် PSLF/TNLA မြို့နယ်ရဲ့တပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသမီး(၃)ဦနှင့် သုံးစွဲသူ (၁၄)ဦးဖမ်းဆီးရမိခဲ့သည်။

တအာင်းပြည်၊ တပ်မဟာ(၈)နယ်မြေ၊ မိုးမိတ်မြို့နယ်တွင် စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ ဂျက်ဖိုက်တာဖြင့် ပေါင်(၂၅၀)ဗုံး (၂)လုံးနှင့် (ရော့ကဒ်)လက်နက်ကြီး(၆)လုံး ထပ်မံလာရောက်ကြဲချတိုက်ခိုက်သွားခဲ့သည်။

စစ်ကောင်စီတပ်သည် ပြီးခဲ့သည့် အောက်တိုဘာ (၇)ရက်နေ့ နေ့လယ် (၁၂း၃၀)နာရီအချိန်တွင် တအာင်းပြည်၊ မိုင်းလုံမြို့နယ်၊ နမ့်ခုမ်အုပ်စု၊မန်ဟုန်းကျေးရွာထဲတွင် ပြည်သူလူထုများ၏ နေအိမ်ကို လေကြောင်းဖြင့် ဗုံးကြဲချမှုကြောင့် အပျက်အစီးများမြင်တွေ့နေရသည့် မြင်ကွင်းဖြစ်ကြပါသည်။