မိုးကုတ်မြို့တွင် စစ်ကောင်စီတပ်မှ ဂျက်ဖိုက်တာဖြင့် ဗုံး(၁)လုံး လာရောက်ကြဲချတိုက်ခိုက်မှုကြောင့် ကလေးငယ် (၁)ဦးအပါအဝင် ပြည်သူလူထု (၂)ဦး ထိခိုက်ဒဏ်ရာရ

တအာင်းပြည်၊ တပ်မဟာ (၃)နယ်မြေ၊ ဇွန်လ (၂၄)ရက် တစ်ရက်အတွင်း နောင်ချိုမြို့နယ်ရှိ နောင်အော၊ လက်ပန်ကုန်း၊ ရွှေသွန်း၊ မျက်ချီးနု၊ လုံစံ၊ ကုန်းသာ၊ အုမ္မသီးနှင့် ဆမ္မဆယ်ကျေးရွာကြားတို့ တိုက်ပွဲဖြစ်နေချိန်အတွင်း စစ်ကောင်စီတပ်မှ လေကြောင်းဖြင့် ဗုံး (၁၃၀)လုံး၊ ဒရုန်းဖြင့် ဗုံး (၆၀)လုံးနှင့် လက်နက်ကြီး (၅၃)လုံးပစ်ကူခိုက်တိုက်ခိုက်ခဲ့ပါသည်။

တအာင်းပြည်၊ တပ်မဟာ (၂)နယ်မြေ၊ အပစ်ရပ်ထားသည့် စစ်ကောင်စီတပ်မှ ကျောက်မဲမြို့အတွင်း ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် ပြည်သူလူထု (၄)ဦး သေဆုံးခဲ့ပြီး ကလေးငယ် (၂)ဦးအပါအ၀င် (၁၄)ဦး ထိခိုက်ဒဏ်ရာရရှိခဲ့ကာ နေအိမ် (၄၉)အိမ်နှင့်စာသင်ကျောင်း (၂)ကျောင်း ထိမှန်ပျက်စီးသွားခဲ့သည်။

တအာင်းပြည်၊ ကွတ်ခိုင်နှင့် မိုင်းငေါ့မြို့ နယ်တွင် တအာင်းပြည် မြို့နယ်ရဲတပ် ဖွဲ့မှ မူးယစ်ဆေးဝါးရောင်း ဝယ်သူ အမျိုး သား (၂)ဦးဖမ်းဆီးရမိခဲ့ပါသည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA တအာင်းပြည်ရဲတပ်ဖွဲ့မှ ကွတ်ခိုင်မြို့နယ်နှင့် အီနိုင်းစစ်ဆေးရေးဂိတ်တွင် မူးယစ်ဆေးဝါးနှင့် လက်နက်ပစ္စည်းအများအပြား ဖမ်းဆီးရမိခဲ့ပါသည်။

တအာင်းပြည်၊ တပ်မဟာ (၄)နယ်မြေ၊ မိုးကုတ်မြို့နယ်၊ ကျောက်ပြဿဒ်အုပ်စု၊ ဆင်ခွာကျေးရွာတွင် အမျိုးသားတစ်ဦးသည် မိမိကိုယ့်ကိုယ် ကြိုးဆွဲချပြီး အဆုံးစီရင်မှုဖြစ်ပွားခဲ့ပါသည်။

တအာင်းပြည်၊ ပလောင်ပြည်နယ်လွတ် မြောက်ရေးတပ်ဦး PSLF/TNLA သီပေါမြို့နယ်အုပ်ချုပ်ဌာနမှ ဦးဆောင်ပြီး မန်လွယ်နှင့် တော့ဖယ်ကျေးရွာကြားတွင် တံတားတစ်စင်းပြုလုပ်ပေးခဲ့ပါသည်။

တအာင်းပြည်၊ တပ်မဟာ (၅)နယ်မြေ၊ မန်တုံမြို့တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မန်တုံမြို့စီမံအုပ်ချုပ်ရေးကော်မတီမှ သက်တမ်းကုန်နေသည့် စားသောက်ကုန်နှင့် ဆေးဝါးပစ္စည်းများကို ထပ်မံစစ်ဆေးမှုပြုလုပ်ခဲ့သည်။

တအာင်းပြည်၊ တပ်မဟာ (၅)နယ်မြေ၊ မန်တုံမြို့တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မန်တုံမြို့စီမံအုပ်ချုပ်ရေးကော်မတီမှ သက်တမ်းကုန်နေသည့် စားသောက်ကုန်နှင့် ဆေးဝါးပစ္စည်းများကို ထပ်မံစစ်ဆေးမှုပြုလုပ်ခဲ့သည်။