ခေဲင်ကုင်တအာင်း၊ ဘည်ကဇေန်းနီန်း ဘည်ယိူဝ်း ဆဖာဝအရာပ်တကြာက် ကတူႈ-ႎါႇရေင်နီး(ႎါႇအပျာ)ဂ ဘည်ပဲန်ဟာဝ်း ရောဂါ-(Scrub Typhus) ဂေါႇဘည်ဒီန် တီုင်ခေါခါႇကုင်တအာင်း ပ္လူႈဆဒိ တကူန်ရဝ်မာဂါင်အယ်ဂဲ ဒေင်ဘည်လိုဒံန်ခြဲဟာဝ်း တေဲင်ကတူႈ-ႎါႇရေင်(ႎါႇအပျာ)ဂ ဘည်ကဆီုဝ်ကူန်ရဝ်မာဂါင်အယ်ဂဲ လိုအူန်းမိူဝ်ႈဆဒိ ကာည်း လိုတောပ်ဟာဝ်းဘည်ပ္လူႈဆဒိ တီုင်ခေါခါႇကုင်တအာင်း။
ဒီရ်;ကဇေန်နီး
ပ်ုန်ကယေင်ႎိူဝ်ႈဟာဝ်းထီတအာင်း ကနာည်လံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(30)နီန် အီဘိူန်းဟာဝ်း ဆုဒါင်း(500)ဆဲန်မိုႈ လိုည်းအေမိုခံမ် အီဂေါည် ပရဝ်အွည်လော၊ ခမိုမာန်စာက်၊ လှံင်အေဲမ်ခြီရ်အောႏ။
ခေဲင်ကျံရ်ဖံန်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်(55)ရဝ်။
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ၊ လှံင်ကိုက်ခည်း၊ ခေဲင်ကုင်တအာင်းအောႏ။
ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ကုင်တအာင်း၊ လှံင်ရူကော၊ အေဲမ်ခြီရ်၊ အေဲမ်ငူည်၊ ကိုက်ခည်း၊ မိူင်းယု( 105 )လှံက်၊ အိုမ်ငျံရ်၊ အိုမ်ယ်ုရ် ကာည်း ကုင်ငှေါအောႏ။
ပ်ုန်ဒီရ်;ဂီုန်း
