ကုင်တအာင်း၊ လှံင်အိုမ်ယ်ုရ် ပ်ုန်ကယေင် တက္လသိုလ် ကုင်တအာင်း ကာည်း ကော်မတီထုင်မှိူမ်ဘေဲႇဘာန်းဂဲ ကစုကပိုမ်ဒေ ႎိူဝ်ႈဟာဝ်းႎါင်ပနော ကခေ့ကတား “ကာလာည်မိုန်” မောကံပ်ထုင်မှိူမ်အယ် အာဝ်ဟြာည်ကမော်ႈ နှာင်းကံပ်ဇံန်မံန်ဟာဝ်း ဂေါႇဘည်ဒီန် ချဒဲႈဆု ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနော “ကာလာည်မိုန် ကျံရ်တီမ်၊ ဆငည်း(27)ဒိူန်အောႏ။

ကုင်တအာင်း၊ လှံင်အိုမ်ငျံရ်၊ ခမိုမိူင်းမု၊ ရတ်မိူင်မု ဖုင်ကလိက်ကုင်တအာင်းဂဲ ဘိူန်းတိုည်း ကောန်အီမာည်း(3)အီး ဘြားႎံရ်ငံရ် (1)အီး ကတူႈငံရ်ထာတ်ယံမ်းဟာဝ်း ကီုက်(2)အီးမော ဖုင်ပလိက်ကုင်တအာင်းဂဲ ထီင်ခြဲအူန်း။

ဖုင်ပလိက်ကုင်တအာင်း လှံင်အေဲမ်ခြီရ်ဂဲ အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ တောန်ဆငည်း စိဘိူန်းတိုည်း အီကရိူရ်ႈကယံင်းခံင်ယိူည်ႇ (4)အီး ကာည်း အီဒါခံင်ယိူည်ႇ(8)အီး။

ကဆီုဝ်ဘ္လချံန်ဒီန် ကဲအီဟြာင်းပ္လါႇဘေဲႇ လိုအ်ုန်မိုႈအီ‌ဂေါည်ဟာဝ်း ခေဲင်ကုင်တအာင်း၊ လိုအ်ုန်မိုႈအီဘယ်ကောႈဆဲင်ကယ်၊ လိုအ်ုန်အီဆမားကြောႈဘြာန် ကိက်ဘေဲႇဘြာန် ဒီရ်ႈဘေဲႇဘြာန်၊ လိုအ်ုန်မိုႈအီနောႈခေဲင်ဇီုင်းကာန်ကောန်အီပ်ုန်။

ဂေါႇကတူႈအံင်ဟူည်ႇဘည်ဒီန် ယာမိုးထေးနီန် အခိင်ညှံမ်တိုန်းပယုင်ဆနံမ် ကျံရ်တီမ်, ဆငည်း(19) အခိင်ရမှိူဝ်(6:00)နြီ ယံမ်းဟာဝ်းပွံဝ်ခေဲင်ဂါင်ဘည်ဒီန်အောႏ။

ပ္လူႈဆဒိ ရိူရ်ႈလေႈပ္လါႇဘေဲႇ တောႇအီလီပ်ရံပ်ဇီုင်းကာန် ခေဲင်တီုင်စေတ်မေန်းတိုအီး- IDTLဂဲ လိူဝ်ႈ(2)နီန် ဘံန်ရောတ်ဒေဲႈ ကျံရ်တီမ်၊ ဆငည်း(30) ကနာည်နံင်ဘိႇဟာဝ်းပ္လါႇဘေဲႇ ကီုက်လို(7)ဆငည်းအောႏ။

ခေဲင်အရာပ်လှံင်အိုမ်ငျံရ်၊ မိူင်းလိုင်၊ ခနားရဝ်လေလု ဒေင်ဒါင်းတောန်ဒီန် ဂေါႇက္လာည်းဒါင်းတောန်ဆငည်း ပဲန်ဒေင်ကလှာႈ။ ဂေါႇကတာည်းကလှာႈ ကဆီုဝ်ကူန်ရဝ်မာဂါင်ဂဲ ဟာဝ်းႎီရ်မာ် ပ်ုန်ကီန်းဒည်း ဂေါႇဘည်ဒီန် ပ်ုန်ဟောည်ႇဒေဲႈ ကျံရ်တီမ်၊ ဆငည်း(18) တီုင်ဘြောင်ချှာင်လှံင်ဂဲ ဆာ်ႈအွံရ် ကူန်ရဝ်မာဂါင်ဂဲ ကစုကပိုမ်‌ရဲင်ဘ္လောမ် ‌ရေဲန်ဟာဝ်းဇီုင်းဆပဲဆငါးအောႏ။