ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ်၊ ပရဝ်နားမံတ် ကောန်ကျောင်အူအီး လေႈကနိုက်ပအေဲမ်ခိုမ် စိုမ်အိုမ်ယံမ်းဟာဝ်းအောႏ။

ဆန်ုမ်2025၊ ကျံရ်ဖိုန် ဆငည်း(20) အခိင်ခီညှာ(9)နြီဒိူန် ရေဲန်ဟောည်ႇဟာဝ်း ပ္လေါည်ပ္လိုတ်ကျောင် ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း(Ta’ang Education Academy-TEA) လိူဝ်ႈအာရ် ပလှံင်အိုမ်ယ်ုရ်၊ ခေဲင်ကုင်တအာင်း။

ကုင်တအာင်း၊ အိူင်အိုမ်ယ်ုရ်၊ ဖုင်ဘေဲႇလူမ်တအာင်းTLAဂဲ ရေဲန်ဟာဝ်းပ္လေါည်ပ္လိုတ်ႎါင်ပနော ပ္လံက်တံင်ဇူႈ ဘေဲႇလူမ်တအာင်း ပလှံင်ကုင်ငှေါ ခေဲင်ရဝ်(2)ရဝ်အောႏ။

တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်း‌ဒေတိုည်းတိုအီးကဇိူရ်ႈကယံင်းခံင်မံဝ်(2)အီး ခေဲင်လှံင်မာဝ်းႎံင်း။

ကုင်တအာင်း၊ အိူင်မာဝ်းႎံင်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်း‌ဒေတိုည်းတိုအီးကဇိူရ်ႈကယံင်းခံင်မံဝ်(1)အီး ခေဲင်လှံင်နောင်ချှို။

ဘံန်ဆီုက်ဘြာန်ဇေဝ်ဂဲ ဆီမ်းဟာဝ်းအာဏာ ခေဲင်ကုင်ဘြာန်နီန် ယိူဝ်ႇတီုက်ႎှီုန်းဟာဝ်းဒိုည်ႇ လံပ်ပိင်ငျာဂဲနီန်မာ် လီပ်ဟာဝ်းဒိုည်ႇ CDM။ ဂေါႇဘည်ဒီန် ကနာည် ကျောင်(TLEC)နီန် နံင်ကတာရ်ႈဟိုက်ဇာရ်ဟာဝ်း လိုတာဆြာ/ယာဆြာ အီမိူဝ်ႈပ်ုန်နံပ်ပ်ုန်ဆမားကဲနီန်ဂီုန်း ကာည်း နံင်တောႇဟာဝ်း အီညှံမ်လီပ်ထာမ်းဇီုင်းကပ္လိူင် တာဆြာ/ယာဆြာ ကနာည်ပနောဘေဲႇ(Preservice Teacher) (1000)အီးအော။