ကုင်တအာင်း၊ အိူင်မိုဂူႈ၊ လှံင်မိုဂူႈ၊ ပရဝ်ပါင်ပေတ် ဘေဲႇလူမ်တအာင်း-TLAဂဲ ဆော်အွံရ်ရေဲန်ဟာဝ်းပ္လေါည်ပ္လိုတ်ႎါင်ပနော ဘေဲႇလူမ်တအာင်း ပရဝ်ပါင်ပေတ်ဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဂေါပ်တားချှာင်ဇီုင်းကာန်‌‌တောန်နဲ(1) ခူန်အွံရ်ချု တားအိုမ်တမာဝ်း ဟိုက်ရောတ်‌ဒေဲႈအောႏ။

ဘဝ်ကီုက်ဒါင်း အိုည်ဖုင်ဂဲ ဂေါႇမိုႈပ်ုန်နောႈခေဲမ် တောပ်ကူန်ရဝ်မာဂါင် ကတူႈအီမ်ယာယူႈ ရိူရ်ႈလေႈပ္လါႇဘေဲႇဒါႈဇံင်ဟာဝ်း‌ပ္လေါည်ကတီုက်ကပဴင် ကျံရ်(4)၊ ဆငည်း(1)ဒိူန်အောႏ။

တံပ်အွံရ်ပ်ုန်လောဝ်ကပီုန်တအာင်းPSLF/TNLA ပလိက်ကုင်တအာင်းဂဲ ဘြဲဆာဒေဲႈအကျံင် တိုအီးဒါခံင်ယိူည်ႇ(၈၅)အီး ပလှံင်မိုဂူႈ၊ အိူင်မိုဂူႈအောႏ။

ကုင်တအာင်း ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF/TNLA ခေဲင်ကျံရ်(3) ပဲန်ငံရ်က္လိုႇဟာဝ်း (6)လိူဝ်ႈ ချှူမ်ဟာဝ်းရိူန်း (1400)လိူဝ်ႈ ခေဲင်ကုင်တအာင်း။

ဘဝ်ကီုက်ဒါင်း အိုည်ဖုင်ဂဲ ဂေါႇမိုႈပ်ုန်နောႈခေဲမ် တောပ်ကူန်ရဝ်မာဂါင် ကတူႈအီမ်ယာယူႈ ရိူရ်ႈလေႈပ္လါႇဘေဲႇဒါႈဇံင်ဟာဝ်း‌ပ္လေါည်ကတီုက်ကပဴင် ကျံရ်(4)၊ ဆငည်း(1)ဒိူန်အောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA ဒီဘိူန်းဘြောင်ချှာင် ပလှံင်ကိုက်ခည်း ၊ပလှံင်အိုမ်ယ်ုရ်၊ ပလှံင်မှိူမ်မီုတ်၊ ပလှံင်အေဲမ်ခြီရ် ကာည်း ပလှံင်ရူကော ဖုင်ပလိက်ကုင်တအာင်းဂဲ ဘိူန်းတိုည်း တိုအီးဒါခံင်ယိူည်ႇ (75)ကာည်း ကဇိူရ်ႈကယံင်းခံင်ယိူည်ႇ (24)အီးအောႏ။

တံပ်အွံရ်ပ်ုန်လောတ်ကပီုန်တအာင်းPSLF/TNLA တီုင်ကောန်အီပ်ုန်ဟြေဲဒါင်းဟိုက်ဇာရ်ဂဲ ခေဲင်ကျံရ်(3)နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(51)ရဝ်။

ကျံရ်(4)ဆငည်း(1) PSLF/TNLAတီုင်ဘြောင်ချှာင်ဂဲ ကာည်း ကော်မတီဖုင်ကပါင်ခြိူဝ်းတအာင်းT- CSOS ဝိူဝ်ႈဟာဝ်းဌာနအဆေဆိင်လှူ အီးကတူႈအီမ်ယာယူႈဟာဝ်း ကနာည်ကူန်ရဝ်မာဂါင်ပကုင်ဘြာန်။