ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
တံပ်အွံရ်ပ်ုန်လောတ်ကပီုန်တအာင်း-PSLF/TNLA အီမိုႈတီုင်ဌာနအူလှေ တီုင်ကောန်အီပ်ုန် ဟြေဲႈဒါင်းဟိုက်ဇာရ် ခေဲင်ကျံရ်ဖိုန်နီန် ဘယ်လေႈဒေင် ဒဲႈလော်င်ပိင်ငျာ ရေဲန်ဇီုင်းကာန်ဒဲႈလော်င်ပိင်ငျာ တကူန်ရဝ်မာဂါင်ဂဲ ခေဲင်ရဝ်(37)ရဝ်အောႏ။
ဘည်မိုဘာည်းအ်ုန် ကျံရ်ဖိုန်၊ ဆငည်း(25)၊ အခိင်ရဆံန်(2:00)နြီထာန်နီး ပရဝ်အပါည် ပဲန်ဟာဝ်းခူရ်က္လာည်းဒါင်း။ ဂေါႇခူရ်က္လာည်းဒါင်း ဂါင်ဂေါည်ကူန်ရဝ်မာဂါင်ဂဲ ဒါ့်ဂါင်ကတာင်မာ်လူလှဲဝ်၊ ရောင်ဂါင်မာ်ဇာ်ႈလူလှဲဝ်၊ ဂြိုခြီုင်ဂေါည်ခေဲင်ဂါင်မာ် ဆူမ်းလူလှဲဝ်ဟာဝ်းဒိုႇအောႏ။
ဘည်မိုႈအ်ုန် ကျံရ်ဖိုန် ဆငည်း(23) အခိင်ခီညှာ(7)နြီထာန်နီန် ဇူႈကဒါႇလှံင်လာဆေ လေႈလှံင်မာန်လေး တာင်ဝီရ်ဂြိုခြီင်ပ်ုန်ဒါ အခိင်ကားဒီန် ရောတ်တေဲင်ဒေင်လေႈ တပြောရဝ်ဟိုလဲတ်ဒိူန် ဘရေက်ကားစီပဒူႈ ကားစီကပ္လါႇဇောႈလီပ်ခေဲင်လိုင်းမျံမ်။
ပ်ုန်ဒီရ်;ဂီုန်း
