ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ဘည်ကယေင်ႎိူဝ်ႈဟာဝ်း ထီရိူန်းဒူးလံပ်ပိင်ငျာတအာင်းန်နီန်မိုႈ မောကံပ်ဘယ်ကဇောည်ဒဲႈ လံပ်ပိင်ငျာကုင်တအာင်း ကဇေန်နီး ဂေါႇ ဘည်အာဝ်နှီမ်းလံပ်အရေးတီုင်ကုင် ကာည်း ကူန်ရဝ်မာဂါင်ဂဲ မိူဝ်ႈကီန်းဒည်းလံပ်ဘြောင်ရိူန်းခြီရ် နံင်ဇံင်းဟာဝ်းအူကဇေန်။
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ငျံရ် ဘံန်ဟောည်ႇဒေဲႈ ကျံရ်ဖံန် ဆငည်း(4)ဒိူန် PSLF/TNLA တီုင်ကောန်အီပ်ုန်ဟြေဲႈဒါင်းဟိုက်ဇာရ် ဆာ်ႈအွံရ်ရေဲန်ဟောည်ႇပ္လေါည်ႎိူဝ်ႈႎါင်ပနော ဘည်အွံရ်ကောန်အီပ်ုန် ကျောင်(SheLeads Academy) လိူဝ်ႈ(1)။
ဘည်မိုႈဘာည်းဘည်အ်ုန် ကျံရ်ဖံန်၊ ဆငည်း(2) ကောန်အီမာည်း(3)အီးဒီန် ရေဲန်ဇီုင်းကာန်ခံပ်ယည်အူတ် အခိင်လေႈဇီုင်း ကဲစီတျံင်စိုင်းအိုမ်ဘာႈ တဂါင်ကညားတာပေါ်လေင်ဂဲ မာည်းတာန်းထေ ကာည်း မာည်းအံင်ကိုအူဒီန် ပဲန်ဟာဝ်းကြောႈဂီုန်းကငေါႈ မာည်းမီင်လီပ်ဒံန်ခြဲဂါရ်အာရ်အီ။
ႎါင်ပနောပဇာရ်ပ်ုန်နံပ်ဆမား ပဲန်တာဆြာ/ယာဆြာနီန် ဇူႈႎိူဝ်ႈဟာဝ်း ဘံန်ဟောည်ႇဒေဲႈ ကျံရ်ဖိုန် ဆငည်း(21)ဒိူန် ရောတ် ကျံရ်ဖံန် ဆငည်း(2)ဒိူန် ပဟာဝ်းလှေင်(12)ကျံရ်။ ခေဲင်ႎါင်ပနောနီန် တာဆြာ/ယာဆြာ ကစုကပိုမ်ဂေါည်(23)အီး ဟိုက်ဒေဲႈပနော။
ပ်ုန်ဒီရ်;ဂီုန်း
