ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ခေဲင်ကျံရ်ဖံန်နီန်း တံပ်အွံရ်ပ်ုန်လောတ်ကပီုန်တအာင်း-PSLF/TNLA တီုင်ကောန်အီပ်ုန် ဟြေဲႈဒါင်းဟိုက်ဇာရ်ဂဲ ဘယ်ဒေလေႈဒေင် ဒဲႈလောင်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်(55)ရဝ်။
ဖုင်ဘေဲႇတအာင်း-TLAဂဲ ဆာ်ႈအွံရ်ရေဲန်ဟောည်ႇဟာဝ်း ပ္လေါည်ပ္လိုတ်ႎါင်ပနောပ္လံက်တံင်ဇူႈ ဘေဲႇတအာင်း ပရဝ်မာန်ဆာ၊ လှံင်ကိုက်ခည်း၊ ခေဲင်ကုင်တအာင်းအောႏ။
ဂဲရေဲန်ဟာဝ်း ပ္လေါည်ဆငည်းပ်ုန်ဟြာည်ႇကမာ်ႈ လံပ်နဘာည်းတေဲင်ကောန်အီပ်ုန်ပါ်ကံမ်ဖာ ကုင်တအာင်း၊ လှံင်ရူကော၊ အေဲမ်ခြီရ်၊ အေဲမ်ငူည်၊ ကိုက်ခည်း၊ မိူင်းယု( 105 )လှံက်၊ အိုမ်ငျံရ်၊ အိုမ်ယ်ုရ် ကာည်း ကုင်ငှေါအောႏ။
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင် လှံင်ရူကောဂဲ ခည်မိုႈ ကျံရ်ကိူရ်အူ ဆငည်း(22)ဒိူန်အောႏ။
ပ်ုန်ဒီရ်;ဂီုန်း
