ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်ကုင်ကမာည်း ကားအူကြောင်ပဲန်ကပ္လါႇ အီပ်ုန်(1)အီးယံမ်း၊ အီပ်ုန်(2)အီး ကတူႈဖေးဘာတ်။
ပ်ုန်ကယေင်ႎိူဝ်ႈဟာဝ်းထီတအာင်းမိုႈ ကနာည်လံပ်ပိင်ငျာ ကုင်တအာင်း၊ ကနာည်ဘိူန်းယံင်းချဲမ်ထီ ရိူန်းဒူးလံပ်ပိင်ငျာတအာင်းနီန်း ဖုင်လူမ်ထီတအာင်းကဲ ရေဲန်ဟာဝ်းပါင်ကမိုန်ကတူႈကငျားတောပ် ကူန်ရဝ်မာဂါင်ဂဲ ယာမ်မိုႈ ကျံရ်ကိူရ်အူ ဆငည်း(16)ဒိူန်အောႏ။
ဂေါႇဒေင်ဒီန်မိုႈ ဒေင်ကတာည်း အခိင်ဘြည်က္လာည်း အ်ုန်ပဲန်ဟာဝ်းဒိုႇဘည်ရောင်အိုမ် ကနာည်ကူန်ရဝ်မာဂါင်ဂဲ နှာင်းဟာဝ်းဝီရ် မိူဝ်ႈကတူႈကီန်းဒည်း၊ ဂေါႇဘည်ဒီန် ကနာည်နှာင်းဘိူန်းဒါဟာဝ်းဝီရ်ငှိူည် ကူန်ရဝ်မာဂါင်ရဝ်ပါဟာန်ဒါင်းဂဲ (300)အီး စီကပိုမ်ဒေဘြဲဆားဟာဝ်း ခည်မိုႈ ကျံရ်ကိူရ်အူ ဆငည်း(15)ဒိူန်အောႏ။
ဘည်မိုႈအ်ုန် ကျံရ်ကိူရ်အူ ဆငည်း(15)အခိင် စူန်အံပ်(3:3)5မနေတ်ဒိူန် ကားတာင်တိုအီးအူကြောင်ဒီန် အခိင်ရောတ်ပရဝ်လာန်လောည် ဒီဒေင်ဟိုက် ဂေါႇကားအာဝ်ဒေဟိုက် ကားစီကပ္လါႇဇောႈလေႈပကဒိုႈဘည်ဒီန်။
ဘည်မိုႈအ်ုန် ကျံရ်ကိူရ်အူ ဆငည်း(10)ဒိူန် အခိင် ကဒည်ဆငည်း(12:30)မနေတ်ဒိူန် ပဂါင်ဂေါည် ယာမပါန်းဒီန် ဇူႈတငံရ်ဆိုလာပဲန်ဆျှောတ် စီပဲန်ငံရ်က္လိုႇဟာဝ်းဂါင်ဘည်ဒီန်။
ပ်ုန်ဒီရ်;ဂီုန်း
