ကုင်တအာင်း၊ အိူင်မာဝ်းႎံင်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်ဒံန်ခြဲတြားဥပဒေဂဲ ဘိူန်း‌ဒေတိုည်းတိုအီးကဇိူရ်ႈကယံင်းခံင်မံဝ်(1)အီး ခေဲင်လှံင်နောင်ချှို။

တံပ်အွံရ်ပ်ုန်လောတ်ကပီုန်တအာင်း PSLF/TNLA အီမိုႈဌာန တီုင်ကောန်အီပ်ုန်ဟြေဲဒါင်းဇာရ်ဂဲ ခေဲင်ကျံရ်အာရ်နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(20)ရဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မိူင်ယု(105)လှာ့် ဂါရ်ကောန်ကူန်(2)အီး ဂေါႇကူန်အ်ုန် ယံမ်းဘိီရ် ဆဲင်ကယ်ဂေႈကပ္လါႇကောန်အ်ုန် စီကတူႈဖေးဆဝ်။

ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပဇံင်ႎေင်ဆာ ဂေါႇရောင်ကတာည်းထာင်​ဂေႈတက်ုတ် ကောန်ဒဲႇ(1)အီးယံမ်း၊ (1)အီးကတူႈဖေးဆဲဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မှိုင်ယု(105)လှံက်ဒီန် ​ဂေါ,မို;ကော;ချာ်န်းကား စီပဲန်ဒူ; ဟာဝ်းတံင်ငံရ်ရာင်(1)အီးယံမ်း၊(2)အီးကတူဖေးဆဲဝ်ဒါင်။

ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ၊ ရဝ်ဆာန်ဖေတ်ဒီန် ကောန်အီမာည်း (1)အီး ဂေါ,ဒါဘိုက်ဘြူ;ရဟောမ်ရမာအ်ုန် (2)အီးယံမ်း၊ (2)အီးကတူ;ဖေးဆဲဝ်ဒါင်း။

ကျံရ်အာရ် ဆငည်း(23)ဒိူန် ဆီုက်ဘြာန်ဇေဝ်ဂဲ ကာည်း တံပ်နာန်းတအာင်း (TNLA) ပဲန်ကတီုက်ကပဴင်ဘ္လောမ် ခနားရဝ်တောင်ရှည် ကာည်း ရဝ်မန်မော် ၊ ဒီအိုမ်ဘြည်ကတာည်း တီုင်တံပ်ဒါင်း(2) ပလှံင်နောင်ချေဝ် ခေဲင်ကုင်တအာင်း။

ဘံန်ဆီုက်ဘြာန်ဇေဝ်ဂဲ ဆီမ်းဟာဝ်းအာဏာ ခေဲင်ကုင်ဘြာန်နီန် ယိူဝ်ႇတီုက်ႎှီုန်းဟာဝ်းဒိုည်ႇ လံပ်ပိင်ငျာဂဲနီန်မာ် လီပ်ဟာဝ်းဒိုည်ႇ CDM။ ဂေါႇဘည်ဒီန် ကနာည် ကျောင်(TLEC)နီန် နံင်ကတာရ်ႈဟိုက်ဇာရ်ဟာဝ်း လိုတာဆြာ/ယာဆြာ အီမိူဝ်ႈပ်ုန်နံပ်ပ်ုန်ဆမားကဲနီန်ဂီုန်း ကာည်း နံင်တောႇဟာဝ်း အီညှံမ်လီပ်ထာမ်းဇီုင်းကပ္လိူင် တာဆြာ/ယာဆြာ ကနာည်ပနောဘေဲႇ(Preservice Teacher) (1000)အီးအော။