ကျံရ်(4)ဆငည်း(1) PSLF/TNLAတီုင်ဘြောင်ချှာင်ဂဲ ကာည်း ကော်မတီဖုင်ကပါင်ခြိူဝ်းတအာင်းT- CSOS ဝိူဝ်ႈဟာဝ်းဌာနအဆေဆိင်လှူ အီးကတူႈအီမ်ယာယူႈဟာဝ်း ကနာည်ကူန်ရဝ်မာဂါင်ပကုင်ဘြာန်။

ဖုင်ကဇောည်တိုအီးကုင်ခယ်ဂဲ ဒါကား (9)ကြောင် တာင်ဒေဲႈဂြိုကနာည် နံင်ကဇောည်ဒဲႈ တိုအီကတူႈဖေး ကီန်းဒည်း အီမ်ယာယူႈ ခေဲင်ကုင်ကပိုမ် ကဒါႇဆီုက်ဘြောန်ဇေဝ်ဂဲ ပဲင်ဟာဝ်း အောႊ။

ကုင်တအာင်း၊ အိူင်မာဝ်းဝံင်း၊ ပလှံင်မာဝ်းဝံင် ပလိက်ကုင်တအာင်းဂဲ ဘိူန်းဒေတိုည်း တိုအီးကဇိူရ်ႈကယံင်းခံင်ယိူည်ႇ ကောန်အီပ်ုန် (1)အီး ကာည်း ခံင်ယိူည်ႇ။

အခိင်ကူန်ရဝ်ဂါင်မာဂဲ ကတူႈဖေးအန္တရာယ် ခေဲင်ကုင်ဘြာန် ဆီုက်ဘြာန်ဇေဝ်ဂဲမာ် ဒါဒရုန်းရောတ်ပဴင် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်းPSLF\TNLA ပလှံင်နောင်ချှို ပရဝ်ကျောက်ကြမ်းအောႊ။

ဆီုက်ဘြာန်ဇေဝ်ဂဲ ဒါယာန်ပ်ုရ်ပ္လေႈပ္လေဘျုင်ဘာည်းဒီန် စီလံက်ဟာဝ်း ဂါင်ဂေါည်ကူန်ရဝ်မာဂါင် (3)ဂါင် လူလှဲဝ်ႊဟာဝ်း တောပ်ဘိုး ကျောင်ပနောဘေဲႇ အာရ်ကျောင် ဂါင်တာတာန်ဆော် တာဆိုးတာန် ကာာည်း တာမျိုစူန် လူလှဲဝ်ႊဟာဝ်း။

ကုင်တအာင်း၊ လှံင်မူစယ်၊ ရဝ်မံန်ဟန် ကောန်အီမာည်းအူအီ စိဒါဓံရ်ပယံမ်းတိုပြီမ်ဒေအော။

ကုင်တအာင်း အရနာပ်တီုင်တံပ်ဒါင် 2 လှံင်နောင်ချှို ပရဝ်တံင်ခမ်း တံပ်ဆီုက်ဘြာန်းဂဲ ကဲမို;ဖုင်အီးဂေါည် တံပ်902 ကောန်ဆီုက်ဂဲ 3အီး တောပ်ဂြိုခြီုင်လာက်နာက် ရောတ်ချ လာက်နာက်တTNLA အော။

ကုင်တအာင်း၊ အိူင်အိုမ်ယ်ုရ်၊ လှံင်ကုင်ငှေါ ပရဝ်အိုမ်ပြာႇ ကျံရ်(2)ဆငည်း (10) ဒိူန် ဖုင်ဘေဲႇလူမ်တအာင်း Ta'ang Literatuere Association-TLAဂဲ ရေဲန်ဟာဝ်းပ္လေါည်ပ္လိုတ်ဝါင်ပနော ပ္လံက်တံင်ဇူႈ ဘေဲႇလူမ်တအာင်း ခေဲင်(2)လှံင် ရဝ်(6)ရ်ယဝ် ။

ဆီုက်ဘြာန်ဇေဝ်ဂဲ မိူဝ်ႈနောႈကယေင်တဲင် ကူန်ရဝ်မာဂါင်ခည်းခည်း အာဝ်မိူဝ်ႈပဲန်ကတီုက်ကပဴင်မာ် တောန်လှံင် တောန်ရဝ် ‌ ဒါယာန်ပ်ုရ်လီလာပဴင် လံက်ဟာဝ်း ကူန်ရဝ်မာဂါင်(4)အီးယံမ်း၊ (4)အီးကတူႈဘာတ် ပလှံင်နောင်ချှိုအောႏ။