တံပ်အွံရ်ပ်ုန်လောတ်ကပီုန်တအာင်း PSLF/TNLA အီမိုႈဌာန တီုင်ကောန်အီပ်ုန်ဟြေဲဒါင်းဇာရ်ဂဲ ခေဲင်ကျံရ်အာရ်နီန် ဘယ်ဒေလေႈဒေင် ဒဲႈလော်င်ပိင်ငျာ ပ်ုန်နံပ်ဆမား တကူန်ရဝ်မာဂါင်ဂဲ ခေဲင်ရဝ်(20)ရဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မိူင်ယု(105)လှာ့် ဂါရ်ကောန်ကူန်(2)အီး ဂေါႇကူန်အ်ုန် ယံမ်းဘိီရ် ဆဲင်ကယ်ဂေႈကပ္လါႇကောန်အ်ုန် စီကတူႈဖေးဆဝ်။

ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ပဇံင်ႎေင်ဆာ ဂေါႇရောင်ကတာည်းထာင်​ဂေႈတက်ုတ် ကောန်ဒဲႇ(1)အီးယံမ်း၊ (1)အီးကတူႈဖေးဆဲဝ်။

ကုင်တအာင်း၊အိူင်အေဲမ်ခြီရ်၊ ပလှံင်မူစဲ မှိုင်ယု(105)လှံက်ဒီန် ​ဂေါ,မို;ကော;ချာ်န်းကား စီပဲန်ဒူ; ဟာဝ်းတံင်ငံရ်ရာင်(1)အီးယံမ်း၊(2)အီးကတူဖေးဆဲဝ်ဒါင်။

ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော ၊ ရဝ်ဆာန်ဖေတ်ဒီန် ကောန်အီမာည်း (1)အီး ဂေါ,ဒါဘိုက်ဘြူ;ရဟောမ်ရမာအ်ုန် (2)အီးယံမ်း၊ (2)အီးကတူ;ဖေးဆဲဝ်ဒါင်း။

ကျံရ်အာရ် ဆငည်း(23)ဒိူန် ဆီုက်ဘြာန်ဇေဝ်ဂဲ ကာည်း တံပ်နာန်းတအာင်း (TNLA) ပဲန်ကတီုက်ကပဴင်ဘ္လောမ် ခနားရဝ်တောင်ရှည် ကာည်း ရဝ်မန်မော် ၊ ဒီအိုမ်ဘြည်ကတာည်း တီုင်တံပ်ဒါင်း(2) ပလှံင်နောင်ချေဝ် ခေဲင်ကုင်တအာင်း။

ဘံန်ဆီုက်ဘြာန်ဇေဝ်ဂဲ ဆီမ်းဟာဝ်းအာဏာ ခေဲင်ကုင်ဘြာန်နီန် ယိူဝ်ႇတီုက်ႎှီုန်းဟာဝ်းဒိုည်ႇ လံပ်ပိင်ငျာဂဲနီန်မာ် လီပ်ဟာဝ်းဒိုည်ႇ CDM။ ဂေါႇဘည်ဒီန် ကနာည် ကျောင်(TLEC)နီန် နံင်ကတာရ်ႈဟိုက်ဇာရ်ဟာဝ်း လိုတာဆြာ/ယာဆြာ အီမိူဝ်ႈပ်ုန်နံပ်ပ်ုန်ဆမားကဲနီန်ဂီုန်း ကာည်း နံင်တောႇဟာဝ်း အီညှံမ်လီပ်ထာမ်းဇီုင်းကပ္လိူင် တာဆြာ/ယာဆြာ ကနာည်ပနောဘေဲႇ(Preservice Teacher) (1000)အီးအော။

အီအွံရ်ကဒါႇဖုင်က်ုန်ရံရ်PSLF မိုႈတာမ်ခူန်ချုဒါင်း တားဇိုက်ဇာရ် ကာည်း တားတီုင်ကဆီုပ်ကုင်အီဟံရ် ခူန်အွံရ်ဒါင်း၊ တားမိုးဟေင်၊ တောပ်ဘိုး ဖုင်က်ုန်ရံရ်(9)အီး နံင်ဟိုက်ဟာဝ်းပါင်ကမိုန်၊ အီအွံရ်ကဒါႇက်ုန်ရံရ်ဆီုက်ဘြာန်ဂဲ မိုႈကစထ(1) တာမ်ခူန်ချုဒါင်း တားကိုကိုအူး အ်ုန်မိုႈ အီးကတူႈကငျားတောပ်ဒေဲႈ တဖုင်က်ုန်ရံရ် ဆီုက်ကိုကာင် (MNDAA)ဂဲ။

ဖုင်တီုင်ဒံန်ခြဲတြားဥပဒေဂဲ ဘိူန်းဒေတိုည်း တိုအီးအီဒါခံင်မံဝ် ခေဲင်အိူင်မာဝ်းဓံင်းဒီန် (38)အီး ကာည်း အီကဇိူရ်ႈကယံင်း (4)အီး ခေဲင်ဒီန်အ်ုန်တောပ် ကအာင်ယာမ (1276)ထူက်၊ ဆာ်မိုႈ ခေဲင်အိူင်မိုဂူႈ စီဘိူန်းဒေတိုည်း အီဒါခံင်မံဝ် (11)အီး ကာည်း အီကဇိူရ်ႈကယံင်း (2)အီး။