တအာင်းပြည်၊ နမ့်ခမ်းခရိုင်၊ နမ့်ခမ်းမြို့နယ်၊ နမ့်မကျေးရွာတွင် မူးယစ်ဆေးဝါးတိုက်ဖျက်ရေးလုပ်ငန်းများ ဆောင်ရွက်နေစဉ် ရှောင်တခင်စစ်ဆေးမှုအတွင်း မူးယစ်ဆေးဝါးသုံးစွဲသူ အမျိုးသား (၅) ဦးကို တအာင်းပြည် မြို့နယ်ရဲတပ်ဖွဲ့မှ ဖမ်းဆီးရမိခဲ့သည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့တွင် ကားဝပ်ရှော့တစ်ခုအတွင်းမှ ဟိုက်ဂျက် (Hijet) အမျိုးအစား မော်တော်ယာဉ်တစ်စီးကို ခိုးယူခဲ့သည့် အမျိုးသားတစ်ဦးကို တအာင်းပြည် မြို့နယ်ရဲတပ်ဖွဲ့က သက်သေအထောက်အထားများအပေါ် အခြေခံ၍ ဖမ်းဆီးရမိခဲ့သည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့တွင် မြို့နယ်အထွေထွေအုပ်ချုပ်ရေးဌာနမှ လက်ဖက်စိုက်ပျိုးထုတ်လုပ်‌ရောင်းချ‌ရေးအသင်း၊ ရပ်ကွက်အုပ်ချုပ်ရေးမှူးနှင့် ကျေးရွာအုပ်ချုပ်ရေးမှူးတို့မှ ယမန်နေ့ ဇူလိုင်လ (၁) ရက်နေ့တွင် တွေ့ဆုံဆွေးနွေးမှု ပြုလုပ်ကျင်းပခဲ့သည်။

တအာင်းပြည်၊ နမ့်ခမ်းခရိုင်၊ နမ့်ခမ်းမြို့နယ်၊ ကောင်းတပ်ကျေးရွာတွင် ပြီးခဲ့သည့် မေလ (၃၁) ရက်နေ့က ဖြစ်ပွားခဲ့သော မတော်တဆယမ်းပျော့ပေါက်ကွဲမှုကြောင့် ဘေးဒဏ်သင့်ပြည်သူများအား လူသားချင်းစာနာထောက်ထားမှု အကူအညီများ ပေးအပ်ခဲ့ကြသည့် အလှူရှင်တစ်ဦးချင်းစီနှင့် အဖွဲ့အစည်းအသီးသီးကို ကောင်းတပ်ကျေးရွာ ပြန်လည်ထူထောင်ရေးကော်မတီက ဂုဏ်ပြုမှတ်တမ်းတင်ကြောင်း ဇူလိုင်လ (၂) ရက်နေ့တွင် ထုတ်ပြန်ခဲ့သည်။