တအာင်းပြည်ရဲတပ်ဖွဲ့မှ မိုးကုတ်မြို့တွင် ဓါးပြတိုက်နေသည့်အဖွဲ့ကို လိုက်လံဖမ်းဆီးရာတွင် ပစ်ခတ်မှုဖြစ်ပွားကာ (၂)ဦး သေဆုံး၊ (၂)ဦး ဖမ်းဆီးရမိ

တအာင်းပြည်၊ တပ်မဟာ (၃)နယ်မြေ၊ ဇွန်လ (၂၅)ရက်တစ်ရက်အတွင်း နောင်ချိုမြို့နယ်ရှိ နောင်လင်၊ နောင်အော၊ လုံစံနှင့် နောင်ဖာကျေးရွာတို့ တိုက်ပွဲဖြစ်ပွားနေချိန်အတွင်း စစ်ကောင်စီတပ်မှဒရုန်းဖြင့် ဗုံး (၂၈)လုံးနှင့် လက်နက်ကြီး (၆၈) လုံး ပစ်ကူတိုက်ခိုက်ခဲ့ပါသည်။

တအာင်းပြည်၊ တပ်မဟာ (၁)နယ်မြေ၊ မိုင်းငေါ့မြို့နယ်၊ မန်ပွန်းကျေးရွာအနီးတွင်ရှိသည့် တအာင်းတပ်မတော်-TNLAစစ်ဆေးရေးဂိတ်ကို ရှမ်းပြည်တိုးတက်ရေးပါတီ-SSPP/SSAမှ သေနတ် (၆)ချက် ပစ်ခတ်တိုက်ခိုက်ခဲ့ပါသည်။

တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့၊ ရပ်ကွက် (၃)နှင့် ရပ်ကွက် (၇)တွင် အပစ်ရပ်ထားသည့်စစ်ကောင်စီတပ်မှ ပြည်သူလူထုများကိုရည်ရွယ် ချက်ရှိရှိ ဦးတည်၍ ဂျက်ဖိုက်တာဖြင့် ပေါင် (၅၀၀)ဗုံး (၂)လုံး လာရောက်ကြဲချမှုကြောင့် ပြည်သူလူထု (၄)ဦး သေဆုံးခဲ့ပြီး (၄)ဦး ထိခိုက်ဒဏ်ရာရခဲ့ပါသည်။

တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့တွင် အပစ်ရပ်ထားသည့် စစ်ကောင်စီတပ်မှ ဂျက်ဖိုက်တာဖြင့် ယနေ့ ညနေ (၄း၅၈)နာရီအချိန်တွင် တစ်ကြိမ်၊ (၅း၀၃)နာရီအချိန်တွင် တစ်ကြိမ် ဗုံး (၂)လုံး လာရောက်ကြဲချ ပစ်ခတ်တိုက်ခိုက်ခဲ့သည်။

တအာင်းပြည်၊ တပ်မဟာ (၉)နယ်မြေ၊ နမ့်ဆန်မြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLAမှ မူးယစ်ဆေးဝါးသုံးစွဲသူ (၂၉)ဦးအား အကျင့်စာရိတ္တပြုပြင်ပေးပြီး ဇွန်လ (၂၁)ရက်နေ့တွင် ပြန်လွှတ်ပေးခဲ့သည်။

တအာင်းပြည်၊ တပ်မဟာ(၄)နယ်မြေ၊ မိုးမိတ်မြို့နယ်၊ မိုးဟောက်ကျေးရွာအုပ်စုအတွင်း တအာင်းတပ်မတော်-TNLA စစ်ကြောင်းထွက်ကင်းလှည့်နေစဉ် ရှမ်းပြည်တိုးတက်ရေးပါတီ-SSPP/SSAတပ်ဖွဲ့မှ ခြုံခိုပစ်ခတ်တိုက်ခိုက်ခဲ့ပါသည်။

တအာင်းပြည်၊ တပ်မဟာ (၇)နယ်မြေ၊ နမ့်ခမ်းခရိုင်၊ မိုင်းယု(၁၀၅)မိုင်တွင် ညီနောင်မဟာမိတ် (၃)ဖွဲ့မှ သက်တမ်းကုန်နေသည့် စားသောက်ကုန်နှင့်ဆေးဝါးပစ္စည်းများကို စစ်ဆေးမှုပြုလုပ်ခဲ့သည်။

တအာင်းပြည်၊ တပ်မဟာ (၆)နယ်မြေ၊ မိုင်းဝီးမြို့နယ်တွင် စားဝတ်နေရေးခက်ခဲနေသည့်နေအိမ်များကို ပလောင်ပြည်နယ်လွတ်မြောက်ရေးတပ်ဦး PSLF/TNLA မြို့နယ်အထွေထွေအုပ်ချုပ်ရေးဌာနမှ ဆန်အိတ်ပေါင်း (၁၂၇)အိတ် ထောက်ပံ့ပေးခဲ့ပါသည်။