ဘည်မိုႈအ်ုန် ဘံန်ဟောည်ဒေဲႈ ကျံရ်တောရ် ဆငည်း(7) အခိင်ခီညှာ(10:45)မိနေတ်ဒိူန် ကဝ်အီဇီုဝ် တာအလူန် ဇူႈပလှံင်အိုမ်ယ်ုရ် ကောႈလေႈဆဲင်ကယ် ကဒါႇလှံင်ရူကော အခိင်အ်ုန်ရောတ်ဒီလီပ်လှံင်ရူကော တပြောကော်င်ညှိူဝ်ဒိူန် က္လေင်ဆဲင်ကယ်နှာအာည်ႇပဒူႈ အာဝ်ဘယ်ဒေထိင်ဆဲင်ကယ် အခိင်ဒီန် ကာည်း အီဇူႈကဒါႇလှံင်ရူကော ကောႈဒေဲႈဆဲင်ကယ် တာအံင်ပျေ့ ပဲန်ဟာဝ်းကဒူႈ။

ဘည်မိုႈဘည်ဘာည်းအ်ုန် ဘံန်ဟောည်ႇဒေဲႈ ကျံရ်တောရ် ဆငည်း(5)ဒိူန် အခိင်(9:30)ဒိူန် ကဝ်အီဇီုဝ် တာယည်ခို အဆာက်(61)ဆန်ုမ် တိူဝ်ႈဒါဆနာတ်တူမီး အီဂေါည်ခေဲင်ဂါင်ဂဲ ပဴင်ဟာဝ်းကိင်အ်ုန် ယံမ်းရာင်ဒေ။

ကုင်တအာင်း၊ အိူင်အေဲမ်ခြီရ်၊ ခေဲင်လှံင်အေဲမ်ခြီရ် ပ်ုန်ကယေင်ဖုင်ဘေဲႇတအာင်း-TLAဂဲ ဆော်အွံရ်ဖီုက်လျှံင်ပဇာရ်ဒဲႈဟာဝ်းဘည်ပနောဘေဲႇတအာင်း တတာဆြာ/ယာဆြာ ကော်င်ဆံရ်ဇီုင်းပိင်ငျာကုင်တအာင်း-(TLEC) ကနာည်ဘည်ပနောဟာဝ်းဘေဲႇ တကောန်ကျောင် နှာင်းဇော်ႈလကတီးကရီး။

ကုင်တအာင်း၊ အိူင်အေဲမ်ခြီရ်၊ ပဇံင်ကော်င်တံပ် ဘံန်ဟောည်ႇဒေဲႈ ကျံရ်ဖံန်၊ ဆငည်း(31) ဒိူန် ဘည်ယာမ်ဇ်ုမ်ႏ ပ်ုန်တိုမ်ကစုအူန်း ငျားဒေကလူည်ႇပဒူႈ ဆူမ်းဟာဝ်းအဆာက် ကာည်း ကတူႈဟာဝ်းဖေးဆဲဝ်ကဲဂဲဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA နောႈခေဲမ်တောပ် ရိူရ်ႈလေႈပ္လါႇဘေဲႇမှာန်းပ္လိုတ်ခွါင်း တေဲင်ဘည်ပဒူႈဟာဝ်းယာမ် ရေဲန်ပ္လေါည်တငါဝ်းတြား ကနာည်အီယံမ်းဟာဝ်း၊ က‌ဇောည်ထာ့်ဒဲႈရိူန်း တရဟောမ်ရမာဂဲအောႏ။

ဖုင်ကပါင်းခေါခါႇတအာင်း-( Ta’ang Health Organization -THO) ကာည်း ကောင်ဆံရ်ခေါခါႇကုင်တအာင်း-(Ta’ang Land Health Council -THC) ကပိုမ် ထိုးဒဲႈဆနံမ်းဒံန်ခြဲ တကောန်ဒဲႇအဆာက်(10)ဆန်ုမ်လေႈရခြူမ် ကာည်း မာကောန်ဒဲႇတိုဇံန် ပလှံင်အိုမ်ယ်ုရ် ၊ ခေဲင်ကုင်တအာင်း။