ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ကုင်တအာင်း၊ လှံင်အိုမ်ယ်ုရ်၊ ပရဝ်ဆိုရ်အိုည်ကိူရ် ဂေါႇပဲန်ရောဂါလေ့လည်ကတံက်ကဟိုက် ခေဲင်အာရ်နှာ လေ့ယံမ်းဟာဝ်း(12)တို ကစုကပိုမ် ထာန်ချှူမ်ဟာဝ်း ငေါႈခံန်အ်ုန်မိုႈ ရိူန်း(100)ဆဲန်ဘျာ။
ကုင်တအာင်း၊ ပလှံင်အေဲမ်ခြီရ် ကာည်း လှံင်ကုင်ငေါှ အခိင် ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ(2)အီး ကာည်း တိုအီဒါခံင်ယိူည်ႇ(၁)အီး။
ဘည်မိုႈဘာည်းဘည်အ်ုန်၊ ဘံန်ဟောည်ႇဒေဲႈ ကျံရ်တာရ်၊ ဆငည်း(1)၊ အခိင်ရမှိူဝ်(11:00)နြီလေႈထာန်နီန် ဆဲင်ကယ်(KENBO)ဇံင်အူန်း ခေဲင်ရဝ် ခနား ဂါင် ကာည်း က္လာႈဒီန် မာည်းမံင်နာည်ထူန် ဘိူန်းအဆာက်(17)ဆန်ုမ် ဘြားဟာဝ်းအောႏ။
ကုင်တအာင်း၊ လှံင်ကုင်ငေါှ၊ ပရဝ်ဟာည်ခံမ်း ကောန်ဒဲႇ ဘိူန်းအဆာက်(15)ဆန်ုမ် (1)အီး စိုမ်အိုမ်ကမာ်ႈဟာဝ်း ပအိုမ်ရာင်နံမ့်ချောင်း လှေင်(18)ဆငည်း ႎီရ်ယိူဝ်းတိုအရာင်ယံမ်း။
ဖုင်ခေါခါႇကုင်တအာင်း(Taang Health Organization) ပ်ုန်ကယေင်မောကံပ်ဘယ် ပယောမ်နှုန်းဘည်ယံမ်းကောန်ဒဲႇကာည်း မောကံပ်မိူဝ်ႈအကျံင် ဘည်လိုဆနံမ်တိုပိုင်း ကတီးကရီး ကျံရ်တာရ် ဆငည်း(24) ဒိူန် ဂဲရိူရ်ႈလေႈပ္လါႇဒါႈ နံင်ကဇောည်ထာ့်ဒဲႈဟာဝ်း ရိူန်းကဇောည် တမာကောန်ဒဲႇကာည်း ကောန်ဒဲႇအဆာက်(5)ဆန်ုမ် လေႈရခြူမ် ပလှံင်အိုမ်ယ်ုရ်ကာည်း လှံင်ရူကောအောႏ။
ပ်ုန်ဒီရ်;ဂီုန်း
