ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1) တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။
ဒီရ်;ကဇေန်နီး
ဇီုင်းကာန်စေတ်ဆေးဒီန် PSLF/TNLAတီုင်ကဲပ်ရူရ်ႈ ၊ တာဘြောင်ချှာင်ဇံင်ဂဲ၊ တီုင်ဌာနဘြောင်ချှာင်၊ ဖုင်ပလိက်လှံင်ဂဲကာည်း တောပ်ဘိုး အီရံပ်ဇီုင်းကပ္လိူင် ဖုင်ဆပဲဆငါးဂဲ စေတ်ဆေး ဟာဝ်း ဒီယံင်းကိုင်စိုင်ဆဴင် (24)ဆဴင်ကာည်း ဆဲင်ဒီယံင်းပ်ုန်ဟောမ်ပ်ုန်ဟာပ်(15)ဆဴင်။
ကုင်တအာင်း၊ ခေဲင်လှံင်အေဲမ်ခြီရ်၊ ကနာည်ဆပဲဆငါးခိူည်ချှီႇဆငါး ကာည်း ဒေင်ဒီဟာဝ်းဟာဝ်းႎီရ်ႎီရ်မာ်ကံပ်ကျပဲန်၊ တီုင်ဌာန ကာည်း ကူန်ရဝ်မာဂါင်ဂဲ ကစုကပိုမ်ဒေ တောႈတံင်ဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ် ပဒေင်ဒါင်း၊ ကိူဝ်ႈဟာဝ်းအိုမ်ရာင် လှံင်ရူကော၊ ရဝ်မာ်လိုင်း၊ ရဝ်မာန်ပွန်ူထပ်ချဲတ် ကာည်း ရဝ်ရေပုင်အောႏ။
ဆန်ုမ်2026၊ ကျံရ်တာရ် ဆငည်းအမှိူဝ်(15)ဒိူန် ကောင်ဆံရ်ခေါခါႇကုင်တအာင်း ရိူရ်ႈလေႈပ္လါႇဘေဲႇဒဲႈဆဒိ ကနာည်လိုဒံန်ခြဲရောဂါ ဘည်ပဲန်ရောဂါႎဲ့ ကာည်း ႎဲ့လိူဝ်ႎဲ့ဟာဝ်း ခေဲင်ဇိုချီုင်ဘြည်က္လာည်း ခေဲင်ကုင်တအာင်း။
ဘည်ပဲန်ဟာဝ်းအ်ုန်မိုႈ ကျံရ်တာရ်၊ ဆငည်း(10)ဒီန် ဘိူန်းဆဒါင်ဒါႈ ပလှံင်အိုမ်ငျံရ်၊ ဇံင်(3) မိူဝ်ႈအီကရိူရ်ႈကယံင်းခံင်ယိူည်ႇ စိဟာဝ်းစေတ်မေန်း ဘိူန်းတိုည်း ကအာင်းယာမ(30)ထုတ် ကာည်း ခံင်ယိူည်ႇလူည်ဟံပ်ခေဲင်ကဘဲဝ်ဆံပ်ပျာ (31)ကဘဲဝ် တတာမံင်မံင်လူန် ဘိူန်းအဆာက်(57)ဆန်ုမ် အောႏ။
ပ်ုန်ဒီရ်;ဂီုန်း
