ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ငူည် ပ်ုန်ကယေင်မောကံပ် ကူန်ရဝ်မာဂါင်အယ်ဂဲ ႎီရ်ဘိူန်းဇိုဇာတ်ပြီမ်ဂဲ ပ်ုန်ဖုင်ပလိက်လှံင်ဂဲဘိူန်းတိုည်းထိင်အူန်း တိုအီးဒါခံင်ယိူည်ႇအီမာည်း(2)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ လှေင်(6)ကျံရ် ႎီရ်အာပ်ဒဲႈဟာဝ်း တရဟောမ်ရမာ။
ဒီရ်;ကဇေန်နီး
ဘည်မိုႈဘာည်းဘည်အ်ုန် ဘံန်ဟာည်ႇဒေဲႈ ကျံရ်တောရ်၊ ဆငည်း(29)၊ အခိင်စူမ်အံပ်(4:30)နြီ တာအံင်ကျော်အူး ဘိူန်းအဆာက်(29)ဆန်ုမ် စိုန်ဟာဝ်းကားဇံင်တောပ်ကဆော ပဂါင်ဒီဘြဲဆာကားဖြာဒါင်း ပလှံင်အိုမ်ယ်ုရ်၊ အ်ုန်စိုန်ကားလေႈဟာဝ်းပွံတ် ကဒါႇလှံင်ဆဘော။
လောင်ရေဲန်ပါင်ကတူႈကငျားဒီန် ဖုင်ရိူရ်ႈတီႇဆ်ုမ်မျံမ်ဂဲ ဘိူည်ရေဲန်ဟာဝ်းလောင်မျံမ်ပဲန်ငါည်ရာင်မာ် ဂေါႇမိုႈအီရေဲန်ဟောမ်မျံမ်ဂဲ တခေါရ်တောပ်ရေဲန်ဟာဝ်းမာ်အာဝ်မိူဝ်ႈ၊ ပ်ုန်ပ္လချအူန်းခေါပြာႇ အီကဆီုဝ်ကဆဲင်လောင်မျံမ်မာ် ကဲအာဝ်တောပ်။ ဂေါပ်ဘည်ဒီန် နှာင်းရဲင်ဘ္လောမ်အာဝ်လိုဒိုႇဂီန်း တောပ်ဟာဝ်းဒေင်နီပိင်ငျာ ရေဲန်ဟာဝ်းမျံမ်အောႏ။
ဖုင်ကာ်မ်မတီဇီုင်းကာန်ႎီရ်ပျိူဝ်ႇယိူဝ်ႇဂဲ ပ္လိူရ်ႈလေဒါႈ ကျံရ်ပူရ် ဆငည်း(2)ဒိူန် အာပ်ဒဲႈပ္လါႇဘေဲႇလှိုပ်ဂုင် တကညာအီလှူကဇောည်ထာ့်ဒဲႈရိူန်းတောန်ကဝ် ကာည်း ဖုင်ကပါင်းတောန်ဒီ အီလည်ကဇောည်လည်ကဇိူရ်ႈနောႈ တကူန်ရဝ်မာဂါင်ဂဲအီကတူႈဖေး ဂေါႇဘည်ပဲန်ယာမ်ႏဇ်ုမ်ပဒူႈ ပရဝ်ကောင်တံပ် လှံင်အေဲမ်ခြီရ်၊ အိူင်အေဲမ်ခြီရ်၊ ကုင်တအာင်း၊ ဘံန်ဟောည်ႇဒေဲႈ ကျံရ်ဖံန် ဆငည်း(31)ဒိူန်အောႏ။
ကုင်တအာင်း၊ အိူင်အေဲမ်ခြီရ်၊ လှံင်အေဲမ်ခြီရ်၊ ဘံန်ဟောည်ႇဒေဲႈ ကျံရ်ဖံန်၊ ဆငည်း(31)ဒိူန် ဘည်ပဲန်ယာမ်ဇ်ုမ်ႏ ပ်ုန်တိုမ်ကစုအူန်း ငျားဒေကလူည်ႇပဒူႈ ပရဝ်ကော်င်တံပ် ကနာည်ႎီရ်ပျိူဝ်ႇယိူဝ်ႇ ကာည်း ဇီုင်းကာန်ကဇောည် နှာင်းရေဲန်ဟာဝ်းချာ်န်းချာ်န်း ကနာည် ကူန်ရဝ်မာဂါင်ဂဲ အီကတူႈဆူမ်းဟာဝ်းအဆာက် ကာည်း ဂါင်ဂေါည် အီဒါ့်ကီုတ်တရဟောမ်ရမာ။
ကပါင်ဖီုက်လျှံင်ဇီုင်းပိင်ငျာခြိူဝ်းတအာင်း (Ta'ang Education Academy - TEA)ဂဲ ပ္လိူရ်ႈလေႈဒါႈ ဇူႈတောႇဟိုက်ႎါင်ပနော ကောန်အီမာည်း/ကောန်အီပ်ုန်(100)အီး ဟိုက်ႎါင်ပနော B.Ed.လိူဝ်ႈ(4) ကနာည်ဆန်ုမ်ပနောဘေဲႇ2026-2027နီန် ပ်ုန်ကယေင်ႎိူဝ်ႈဟာဝ်း ႎါပနောနီန်မိုႈ ကနာည်ဘယ်ပျိူဝ်ႇယိူဝ်ႇ တာဆြာ/ယာဆြာ အီနံပ်ဆမား ဆနီတ်လံပ်ပိင်ငျာႎှဲတ်ရဲရ် ကာည်း မောကံပ်ဘယ်ပြိူဝ်ႈလေႈ အီထာမ်းဇီုင်းကပ္လိူင် လံပ်ပိင်ငျာနိုက်နိုက် ခေဲင်ကုင်တအာင်းအောႏ။
ပ်ုန်ဒီရ်;ဂီုန်း
