ကုင်တအာင်း၊ လှံင်ရူကော၊ ဖုင်တီုင်ဘြောင်ချှာင်ဂဲ ကာည်း ကူန်ရဝ်မာဂါင်ဂဲ ကစုကပိုမ်ဒေ ဘြဲဆာဒေင်အ်ုန်အီလူလှဲဝ်ႏ ရေဲန်ဟာဝ်း ဆပဲဆငါး တောႈတံင်‌ဟေဘ်ုပ်ဘ္ဘီုတ်ဟာဝ်းဒိုႇဒေင်၊ ကံပ်ဟာဝ်းညျှိူဝ်တောပ်ဒေင်ဒါင်း လှံင်ရူကော၊ ရဝ်ထဲက်ချဲတ်၊ ရဝ်ပါင်ဆွေ ကာည်း ရဝ်စေကော်။

ကောင်ဆံရ်ဇီုင်းပိင်ငျာကုင်တအာင်း-TLEC ကာည်းအီရံပ်ဇီုင်းကပ္လိူင်တီုင်ဌာနဂဲ ရေဲန်ပါင်ကတူႈကငျား ဘည်လိုကပိုမ်ရေဲန်ဇီုင်းကာန် ကဏ္ဍပဇာရ်လံပ်ခေါခါႇ ကာည်း လံပ်ဒံန်ခြဲကျောင် ပလှံင်ကုင်ငှေါ၊ ခေဲင်ကုင်တအာင်း။

ကုင်တအာင်း၊ လှံင်အိုမ်ယ်ုရ်၊ ပရဝ်ဆိုရ်အိုည်ကိူရ် ဂေါႇပဲန်ရောဂါလေ့လည်ကတံက်ကဟိုက် ခေဲင်အာရ်နှာ လေ့ယံမ်းဟာဝ်း(12)တို ကစုကပိုမ် ထာန်ချှူမ်ဟာဝ်း ငေါႈခံန်အ်ုန်မိုႈ ရိူန်း(100)ဆဲန်ဘျာ။

ကုင်တအာင်း၊ ပလှံင်အေဲမ်ခြီရ် ကာည်း လှံင်ကုင်ငေါှ အခိင် ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း တိုအီးကရိူရ်ႈကယံင်းခံင်ယိူည်ႇ(2)အီး ကာည်း တိုအီဒါခံင်ယိူည်ႇ(၁)အီး။

ဘည်မိုႈဘာည်းဘည်အ်ုန်၊ ဘံန်ဟောည်ႇဒေဲႈ ကျံရ်တာရ်၊ ဆငည်း(1)၊ အခိင်ရမှိူဝ်(11:00)နြီလေႈထာန်နီန် ဆဲင်ကယ်(KENBO)ဇံင်အူန်း ခေဲင်ရဝ် ခနား ဂါင် ကာည်း က္လာႈဒီန် မာည်းမံင်နာည်ထူန် ဘိူန်းအဆာက်(17)ဆန်ုမ် ဘြားဟာဝ်းအောႏ။