ကဆီုဝ်အီနံင်ဟိုက်ႎါင်ပနောနီန် ဘည်ပ္လပ္လေႈအူန်း ဖုင်ဘေဲႇတအာင်း-TLAဂဲ အိုမ်လှတာန်းဘေဲႇ ဆာ်မိုႈအီဟိုက်ဆနီတ်ပြီမ် လိုမိုႈအီဟိုက်ဟောည်ႇ(10)တာန်း ကာည်း ဆာ်မိုႈအီဟိုက်ဆနီတ်ကမာည်း လိုမိုႈအီဟိုက်ဟောည်ႇ Grade (12)တာန်း။
ဒီရ်;ကဇေန်နီး
ႎါင်ပနောပဇာရ်ပ်ုန်နံပ်ဆမား ပဲန်တာဆြာ/ယာဆြာနီန် ဇူႈႎိူဝ်ႈဟာဝ်း ဘံန်ဟောည်ႇဒေဲႈ ကျံရ်ဖိုန် ဆငည်း(21)ဒိူန် ရောတ် ကျံရ်ဖံန် ဆငည်း(2)ဒိူန် ပဟာဝ်းလှေင်(12)ကျံရ်။ ခေဲင်ႎါင်ပနောနီန် တာဆြာ/ယာဆြာ ကစုကပိုမ်ဂေါည်(23)အီး ဟိုက်ဒေဲႈပနော။
ကုင်တအာင်း၊ အိူင်ရူကော၊ လှံင်ရူကော၊ တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ဆပဲဆငါး ဆာ်ႈအွံရ် ဝီရ်ဘြဲဆားဒေင်အ်ုန်အီလူလှဲဝ်ႏ ခေဲင်ဇံင် မောကံပ်ပဲန်ဒေင်ကွန်ကရစ် နှာင်းကူန်ရဝ်မာဂါင်ဂဲ ကံပ်ဘိူန်းဒေဒါဟာဝ်းဝီရ်ငှိူည်တောန်ဆငည်း။
ပ်ုန်ကယေင်ႎိူဝ်ႈဟာဝ်းထီတအာင်း ကနာည်ရိူန်းဒူးလံပ်ပိင်ငျာကုင်တအာင်း ပ္လေါည်ႎိူဝ်ႈထီ လိူဝ်ႈ(35)နီန် ဂေါႇမိုႈအာဝ်မိူဝ်ႈ အီဘိူန်းဟာဝ်း ဆုဒါင်း(500)ဆဲန်နီန် အီဘိူန်းဟာဝ်းဆုဒါင်းနံပါတ်အာရ်(300)ဆဲန်မိုႈ လိုည်းနန္ဒာထူန်း အီဂေါည်လှံင်ကုင်ငှေါ။
ပ်ုန်ဒီရ်;ဂီုန်း
